蔣介卿

出自維基百科,自由嘅百科全書
跳去導覽 跳去搵嘢

蔣介卿1875年1月3號1936年12月27號),名錫侯,字介卿,一字瑞生,號蕭緒,另外一個號叫前安,譜名就叫做周康,係前中華民國總統蔣中正嘅大佬,做過地方法官英德縣縣長海關監督浙江省政府委員等等。

經歷[編輯]

蔣介卿係屋企入面嘅大仔,同蔣中正係同老豆唔同阿媽嘅兄弟。佢細個嗰時,老豆蔣肇聰將佢過繼畀堂大佬蔣肇餘,所以佢同蔣中正嘅關係就疏遠咗。後嚟,另一個細佬蔣瑞青死咗之後,蔣介卿受到一班存心不良嘅人鼓吹,想去分細佬身家但係失敗,之後重攞訟詞嚟嚇後母王采玉

曾經中過秀才,響1921年佢畀中國民主自由先驅(重好落力咁推動)、當時嘅廣東省公署政務廳廳長古應芬睇起,將佢推介到瓊州(依家嘅海南文昌縣知事,之後又畀推介到英德縣做縣長,但係之後因為同貪污有關而畀人炒。響1928年,佢又一次畀人提拔,做海關監督(相當於今日嘅海關關長),後嚟佢接替做浙江省政府委員。但係後嚟佢辭職返鄉下,開公裕錢莊[1]

1936年,蔣介卿響武山廟睇緊大戲,聽到西安事變、同埋細佬蔣中正畀人扣押之後就突然中風,之後重死埋[2]。但係佢嘅死到依家都有人懷疑,話佢死得好怪。

佢同細佬蔣中正關係唔係咁好,蔣中正經常講蔣介卿啲唔好嘢。

屋企[編輯]

蔣介卿同老婆有個仔叫蔣國秉,蔣國秉同老婆生一個仔四個女,仔叫孝倫、囡囡分別叫靜娟、志倫、環倫(又叫孝玉)、明倫。蔣國秉響1982年死係台灣。另外,蔣介卿同妾侍有一個女叫蔣華秀,但係佢同老豆蔣介卿、大佬蔣國秉唔同,蔣華秀同叔父蔣中正嘅關係好到不得了,甚至仲親近過一般親生父囡。

[編輯]

  1. "青年蒋介石:一代枭雄的成长史-搜狐读书-挖掘更好看的阅读-搜狐". web.archive.org. 2016-03-05. 喺2020-05-21搵到.
  2. "十大名人故居--蒋介卿故居--海曙新闻网". hsnews.cnnb.com.cn. 喺2020-05-21搵到.