薩爾達傳說：曠野之息

《薩爾達傳說：曠野之息》（日文：ゼルダの伝説ブレスオブザワイルド，英文：The Legend of Zelda: Breath of the Wild）係一隻開放世界動作冒險遊戲，由任天堂喺 2017 年 3 月 3 日喺任天堂 Switch 同 Wii U 主機發行。

簡介[編輯]

曠野之息係一隻好出名嘅開放世界遊戲：响遊戲一開始嗰陣，玩家角色 Link 被困响遊戲世界中央嘅一笪高原度（笪高原四圍都係險峻嘅懸崖，Link 跌落懸崖嘅話會死），玩家要响笪高原度做幾個任務作為遊戲教學，做完就會攞到架生得到滑翔能力，有得離開高原；跟住玩家可以用任何次序探索遊戲世界同埋完成遊戲目標－玩家可以一離開中央高原就即刻去打最終大佬（隻遊戲嘅最終目標），不過就噉打會好難打，而遊戲世界各處有物品，玩家搵到呢啲物品會增強 Link 嘅戰鬥力，所以玩家有誘因想探索個世界。即係話曠野之息嘅遊戲世界好「開放」，玩家對於「要點樣打爆機」有極大量嘅選擇^[1]。

影響[編輯]

呢隻遊戲廣受注意，畀評論家指係引起咗開放世界遊戲上嘅範式轉移：喺呢隻遊戲入面，除咗遊戲教學嘅階段之外，幾乎所有嘅任務同戰鬥都係完全自由（玩家有得揀做定唔做）咁滯，呢點唔似得打前嗰啲「開放」世界遊戲噉「可以自由探索遊戲世界，但故仔嘅任務一定要跟某啲次序做」；除此之外，曠野之息亦都用咗極精緻嘅遊戲物理，例如遊戲入面著咗火嘅物件掂到任何型式嘅水（啲水可能嚟自雨）啲火就會熄；因為呢啲噉嘅緣故，曠野之息畀人指係真正做到一個畀玩家自由探索、按自己法則運行嘅世界^[2]^[3]。

睇埋[編輯]

攷[編輯]

↑ Muncy, Jake (December 3, 2015). "Open-World Games Are Changing the Way We Play". Wired.
↑ "How Breath of the Wild dunks on most open-world games". Destructoid.com. July 5, 2017. Retrieved November 2, 2017.
↑ "How will The Legend of Zelda: Breath of the Wild change the open-world paradigm?". Gamesindustry.biz.

呢篇薩爾達傳說：曠野之息係一篇關於電子遊戲嘅楔位文章。你可以編輯呢版充實內容。

[muncy2015-1] Muncy, Jake (December 3, 2015). "Open-World Games Are Changing the Way We Play". Wired.

[2] "How Breath of the Wild dunks on most open-world games". Destructoid.com. July 5, 2017. Retrieved November 2, 2017.

[3] "How will The Legend of Zelda: Breath of the Wild change the open-world paradigm?". Gamesindustry.biz.

[1]

[2]

[3]