藍戰士

出自維基百科,自由嘅百科全書
Jump to navigation Jump to search

藍戰士 ,英文名叫Blue Jeans,係1980年代尾活躍香港嘅流行樂隊,喺1987年成立。樂隊嘅成員全部都係好有經驗嘅樂師,但最為人熟悉嘅都係,各成員嗰頭又長又鬈嘅頭髮,同埋前衛嘅打扮。歌曲方面,有啲歌係佢地自己寫,但係都有啲係改編外國歌,再填過粵語歌詞。樂隊喺1990年解散,之後喺2004年重組過,仲加入咗新成員。

成員[編輯]

  • 黃良昇(鍵琴手及主音歌手,創隊成員)
  • 蘇德華(主音結他手,創隊成員)
  • 單立文(低音結他手,創隊成員,90年代解散嗰陣走咗)
  • 鄧祖德(結他手,低音結他手,2004年重組嗰陣加入)
  • 霍兆強(鼓手,2004年重組嗰陣加入)

發展歷程[編輯]

Blue Jeans嘅前身係Chyna樂隊,八十年代中Chyna解散後,每個成員專注做幕後音樂工作,直到1987年,當中三位成員黃良昇、蘇德華、單立文因參加第三屆「亞太流行歌曲創作大賽香港區決賽」(CASH流行曲創作大賽嘅前身)而重組,仲改咗名做Blue Jeans,結果樂隊憑住參賽歌《豈有此理》攞到冠軍,嗰年簽埋 Sony 唱片公司入樂壇。

樂隊成立初時只係有英文名“Blue Jeans”,直到1988年5月樂隊出咗第一隻大碟嗰陣,先至有中文名「藍戰士」。

之後Blue Jeans除咗用樂隊名出咗好多隻碟之外,亦都有同其他歌手樂隊合作。例如同林憶蓮、林志美、許冠傑合唱;同太極Beyond達明一派Raidas等樂隊合唱《勁Band Super Jam》哩首歌。成員仲拍埋戲、做埋電影配樂。

樂隊喺1990年4月出咗同名嘅大碟《Blue Jeans》之後,三位成員就分開,黃良昇轉咗行做保險,蘇德華、單立文就做返幕後音樂工作,直到2004年樂隊重組。因為單立文另外有嘢做,唔能夠參與嗰次嘅重組,所以由太極樂隊嘅前經理人鄧祖德替,而前民間傳期成員霍兆強做鼓手,出咗《放眼》哩隻碟。

出過嘅碟[編輯]

做過嘅戲[編輯]

有關嘅網頁[編輯]