藍橘子

改拎
出自維基百科，自由嘅百科全書
藍橘子
別名梁文峯（真名）
活躍時期2010年至今
知名作品《我是技安，今天我出席了大雄的葬禮》（2016年）
伴侶小豆[1]

梁文峯[1]（1986/7年 - [2]），筆名藍橘子，係香港一個網絡作家，獨立出版社洄水文化創辦人之一[3]，以原創小說《我是技安，今天我出席了大雄的葬禮》喺網絡平台度一舉成名[4]。

梁喺2010-2011年開始文字創作，2017年初更加辭去文員工作，全職做網絡作家，曾經推出多部作品，更加有作品被電視台買入版權改編做電視劇[5]。

生平[編輯]

梁喺2003年考過會考，但係得 1 分[6]，中文得 F [7][8]。中五畢業之後，佢做過好多份兼職，有零售、餐飲、客戶服務等等，又喺一間遊戲雜誌到做過編輯。去到2008年，佢轉職做船務文員，負責處理單據同報關出貨等等[2]。

做文員嘅同時，梁亦開始喺網絡平台發表文字創作。2010-2011年起，佢喺高登發表咗幾部短篇故事[9]；第二年更以筆名「萬用上帝」發表第一部奇幻小說作品；與此同時，佢亦都喺社交網站 Facebook 到開設 fans 專頁，開始同讀者互動。當時仲做緊船嘅佢只能靠午飯時間同午夜大約兩個鐘嘅空閒時間創作。2013年，佢以「藍橘子」筆名出版第一部小說作品，呢個筆名一路用到依家。[10]

成名[編輯]

2016年底，梁喺社交網站發表一部改編自日本漫畫《叮噹》嘅小說《我是技安，今天我出席了大雄的葬禮》（我係技安，今日我去咗大雄嘅葬禮），被傳媒形容係「突破原有嘅框架」[11]，唔單止令專頁「Like」數大增，更成功吸引到嚟自台灣、馬來西亞等地嘅網民支持[12]，甚至吸引港台傳媒密切關注劇情進展同報道[13][14]。

2017年，佢被一間電影公司睇中咗，邀請佢參與電影《天使曾經來過》嘅編劇工作（呢個亦都係佢放棄工作，全面投入文字創作嘅原因）[2]；同年年中，有傳媒喺 ViuTV 高層人員得知，佢嘅作品《假若要為愛情加上一個期限》將會被改編成電視劇[15]（即係後嚟嘅《假若愛有期限》[16]），並且喺第二年嘅年底正式首播；另外，佢喺同年香港書展推出靈異小說《阿公講故》，亦獲得傳媒報道[17]。

到2018年，佢已經出版咗十幾部實體作品，但係佢發現舊有嘅作品賺到嘅版稅唔多，又無得自主全書嘅設計（包括包裝、設計概念同內容），甚至有書店唔畀佢嘅作品喺旗下分店上架；再加上佢擔心日後 Facebook 可能喺網絡世界到消失，而自己亦都唔肯定之後嘅新興網絡平台適唔適合做文字創作，所以同另一位網絡作家莎比亞討論，並且喺同年成立出版社「洄水文化」，透過「自家出版」嘅形式以網續維持生計。[18][2][9]

同年，佢先後出席以電競為題材嘅電影《乘風》嘅記者發佈會，分享自己對相關方面嘅睇法[19]，喺同年2月嶺南大學持續進修學院開放日擔任講座講員[20]，又同香港清潔產品公司潔寶（Swipe HK）合作，為佢嘅產品瓶身標貼設計一段文字，並喺同年7月初以「作家限定版」形式公開發售[21][22][23]；此外，佢亦嘗試同其他單位合作，推出微電影《為你掛上死亡標籤》，當時預計會喺同年年底推出。第二年開始，佢更以出版社身份參展香港書展，而呢個亦都係佢嘅心願之一[24]；同年年底獲邀去馬來西亞演講，並接受星洲日報訪問[25]；同年佢嘅作品《夜谷賓館營業中》被改編成舞台劇，喺12月首演[26]。

喺感情生活上，梁喺2018年底同佢嘅女朋友「小豆」結婚，並喺第二年初租咗個二手單位自住[27]。

近況[編輯]

踏入2020年，武漢肺炎喺全球爆發，梁因為香港政府推行「限聚令」等等減少社交接觸嘅措施同法例而無法舉辦教開嘅寫作課程，令佢嘅收入大受影響。香港本土疫情反覆，2020年香港書展宣佈延期，更令原本線下簽書會改到網絡平台到進行。雖然佢嘅數入受到影響，但係佢表示呢啲影響有限。[28] 直到約2022年，藍橘子才開始在小學開展面授寫作課程。[29]

筆名由來[編輯]

梁喺一個訪問到指出，「藍橘子」呢個筆名指「藍色的橘子」，而藍色嘅生果喺日常生活並唔常見，兩者相輔相成，意喻佢嘅作以奇幻、靈異為主[30]。

寫作風格[編輯]

梁早期嘅作品題材多元，有愛情、奇幻等等[31]；依家就以短篇小說為主，亦都有啲散文、評論等嘅作品，當中小說作品嘅題材篇向靈異、科幻，亦都有啲好似過度活躍症同肢體認同障礙症等等較為罕見嘅題材。佢曾經喺一個訪問到指出，自己會透過科幻小說嘅方式，以較簡單嘅方式將一啲香港社會嘅現況呈現畀讀者睇。[32]

而根據佢喺2019年嘅一個訪問到指出，佢嘅作品在於讀者要睇嗮成篇文（而唔係部份）之後先明白佢想透過作品帶出啲咩道理或意義；而作為一個唔願同人直接分享人生道理嘅人，佢表示會以故事嘅方式，令讀者更容易理解呢啲道理，就算唔明都希望讀者能夠「當成故事娛樂自己」[33]。

然而，作為全職作家佢都遇過唔少「無靈感」嘅時候。佢曾經喺唔同嘅訪問到指出，會透過睇小說、影視作品同新聞等為創作小說提供靈感；同時，佢亦都會關心社交媒體上面網民嘅言論，並嘗試搵出同分析部份佢認為「奇特」嘅意見同諗法[34][35]。

得獎記錄[編輯]

梁文峯（藍橘子）出版作品得獎記錄
年份 獎項 提名書籍 結果
2017 2017年「香港金閱獎」最佳文史哲書籍 《阿公講鬼》 獲獎[24][36]

迴響同評價[編輯]

梁早期嘅作品無乜人知，就算出版書籍亦都未能喺各大書局全線上架，喺香港書展嘅簽書會亦都無人問津。後嚟佢留意到問題所在，就開始認真經營自己嘅 fans 專頁，喺短短兩年間就吸引到近 9 萬名網民支持[37]。而喺 2016年連載嘅小說《我是技安，今天我出席了大雄的葬禮》更加令佢出名，有關嘅帖喺一日內獲得超過 15 萬個 Like[38]，分享次數過 3 萬[39]；2018年推出嘅作品《死亡的擬聲詞》喺網絡連載約十日後亦都獲得約一百萬嘅點擊次數[40]。

時任竣鈞集團有限公司董事總經理張慧敏喺一次訪問到指出，梁嘅會考成績雖然欠佳，佢佢仍然視文字郃作為佢嘅愛好，唔受社會框架所限；又曾經接觸唔同行業同階層嘅人士，能為佢嘅作品帶嚟創作靈感，亦願意為提升作品質量而睇其他人嘅作品。佢亦都欣賞漖喺遇到困難，或者平衡生活同工作時間之中，有良好嘅發揮，「是個負責任的人」。[41]

相關事件[編輯]

Fans專頁被警告事件[編輯]

2017年9月底，有傳媒報道指梁嘅 Facebook 帳戶收到警告，指有一則帖文嘅內容違反 Facebook 使用條款，而警告訊息亦指出之後再犯嘅話會凍結戶口。事後梁喺 fans 專頁發佈帖文，表示「藍橘子」呢個名可能會喺平台上消失，個帖一出即刻引起網民熱烈回覆。由網民嘅回覆顯示，佢哋欣賞梁嘅作品，並期望佢唔會被相關事件影響，可以繼續創作，就算最後要轉去其他平台都希望佢可以通知支持者；但係同時，佢哋亦都提可以透過修改敏感字眼而防止日後有類似嘅事件發生。[42]

參考[編輯]

  1. ↑ 1.0 1.1 Smart ED編輯部 (2019-09-06). 〈藍橘子由文員到KOL再開出版社！「為何創作人「搵唔到食」是正常？」（有片睇）｜跳出comfort zone〉 (香港中文). 經濟一週. 原先內容歸檔喺2019-10-09. 喺2020-08-12搵到.
  2. ↑ 2.0 2.1 2.2 2.3 霍芷晴 (2018-12-28). 〈【高登出身】全職揸筆搵食 藍橘子：專欄被腰斬，開出版社搵出路〉. 《香港01》 (香港中文). 原先內容歸檔喺2020-10-20. 喺2020-08-12搵到.
  3. ↑ 〈政府以防疫基金支持業界 書展延期 展商：太遲公布蝕$30萬〉 (香港中文). 晴報. 2020-07-14. 原先內容歸檔喺2020-10-31. 喺2020-08-12搵到.
  4. ↑ 賴家俊 (2020-08-04). 〈《多啦A夢》惡搞成人版 是文化創作還是低俗演繹？〉. 《香港01》 (香港中文). 原先內容歸檔喺2020-09-19. 喺2020-08-12搵到.
  5. ↑ 周顯 (2018-07-24). 〈【周顯專欄】小說要專心才能寫得好、賣得多〉 (香港中文). 橙新聞. 原先內容歸檔喺2020-01-18. 喺2020-08-12搵到.
  6. ↑ Smart ED編輯部 (2019-09-06). 〈藍橘子由文員到KOL再開出版社！「為何創作人「搵唔到食」是正常？」（有片睇）｜跳出comfort zone〉 (香港中文). 經濟一週. 原先內容歸檔喺2019-10-09. 喺2020-08-12搵到.
  7. ↑ 周顯 (2018-07-24). 〈【周顯專欄】小說要專心才能寫得好、賣得多〉 (香港中文). 橙新聞. 原先內容歸檔喺2020-01-18. 喺2020-08-12搵到.
  8. ↑ 周顯 (2018-07-24). 〈【周顯專欄】小說要專心才能寫得好、賣得多〉 (香港中文). 橙新聞. 原先內容歸檔喺2020-01-18. 喺2020-08-12搵到.
  9. ↑ 9.0 9.1 蘋果動新聞 HK Apple Daily (2018-07-18). 〈【書展】網絡作家求生路 藍橘子自組出版社：命得一條乜都試下〉 (香港中文). YouTube. 原先內容歸檔喺2021-11-20. 喺2020-08-12搵到.
  10. ↑ Smart ED編輯部 (2019-09-06). 〈藍橘子由文員到KOL再開出版社！「為何創作人「搵唔到食」是正常？」（有片睇）｜跳出comfort zone〉 (香港中文). 經濟一週. 原先內容歸檔喺2019-10-09. 喺2020-08-12搵到.
  11. ↑ 張定明 (2016-12-01). 〈【港產叮噹】大雄死了？靜兒成為阿福老婆 故事一日吸15萬個Like〉. 《香港01》 (香港中文). 原先內容歸檔喺2021-07-13. 喺2020-08-15搵到.
  12. ↑ 白慧琪 (2019-07-01). 〈【香港‧蓝橘子】喜欢写作，故事就是力量〉 (馬來西亞中文). 星洲日報. 原先內容歸檔喺2021-01-19. 喺2020-08-12搵到.
  13. ↑ 網搜小組 (2016-12-02). 〈大雄死了..靜香嫁小夫　30歲胖虎發現自己是「底層人」〉 (臺灣中文). ETtoday新聞雲. 原先內容歸檔喺2017-05-06. 喺2020-08-12搵到.
  14. ↑ 網搜小組 (2016-12-10). 〈藍橘子「哆啦A夢」最終章！30歲胖虎能逆轉大雄之死？〉 (臺灣中文). ETtoday新聞雲. 原先內容歸檔喺2017-06-13. 喺2020-08-12搵到.
  15. ↑ 溫菁莉 (2017-06-15). 〈網絡小說家藍橘子被ViuTV睇中 作品拍30集科幻愛情劇集〉. 《香港01》 (香港中文). 原先內容歸檔喺2019-06-29. 喺2020-08-15搵到.
  16. ↑ 李詩慧 (2018-12-14). 〈《假若愛有期限》 陳子豐 談善言 林耀聲 三角「嬲」關係〉 (香港中文). 晴報. 原先內容歸檔喺2019-06-05. 喺2020-08-16搵到.
  17. ↑ 潘浩欣 (2017-07-19). 〈【書展有鬼出沒】新鮮熱辣鬼故書 從香江嚇到去東洋〉. 《香港01》 (香港中文). 原先內容歸檔喺2021-08-07. 喺2020-08-12搵到.
  18. ↑ Smart ED編輯部 (2019-09-06). 〈藍橘子由文員到KOL再開出版社！「為何創作人「搵唔到食」是正常？」（有片睇）｜跳出comfort zone〉 (香港中文). 經濟一週. 原先內容歸檔喺2019-10-09. 喺2020-08-12搵到.
  19. ↑ 編輯部 (2018-01-15). 〈《乘風》遊戲玩家變成賽車手 藍橘子HB現身撐電競電影！〉 (香港中文). 3iGAME. 原先內容歸檔喺2018-05-21. 喺2020-08-12搵到.
  20. ↑ 高鈺 (2018-02-01). 〈「跳高女神」楊文蔚嶺大分享心得〉 (香港中文). 香港文匯報. 原先內容歸檔喺2021-11-20. 喺2020-08-15搵到.
  21. ↑ 黃柏熹 (2018-06-30). 〈清潔劑上的「洗滌文學」？不如聽聽讀者看法〉 (香港中文). 虛詞. 原先內容歸檔喺2021-11-20. 喺2020-08-12搵到.
  22. ↑ 吳博林 (2018-08-06). 〈以文學突破框框的 marketing 創意〉 (香港中文). 立場新聞. 原先內容歸檔喺2019-08-15. 喺2020-08-12搵到.
  23. ↑ Swipe HK (2018-07-04). 〈Swipe EX 洗滌文學（作家版）〉 (香港中文). Facebook. 喺2020-08-12搵到.
  24. ↑ 24.0 24.1 霍芷晴 (2018-12-28). 〈【全職作家】辭去正職 生活易失規律 藍橘子：上吓網就hea咗日〉. 《香港01》 (香港中文). 原先內容歸檔喺2020-10-31. 喺2020-08-12搵到.
  25. ↑ 《学海》学生记者 (2019-12-24). 〈"剥开果皮才看到肉色"．蓝橘子用故事谈人生〉 (馬來西亞中文). 星洲日報. 喺2020-08-15搵到.
  26. ↑ Smart ED編輯部 (2019-09-06). 〈藍橘子由文員到KOL再開出版社！「為何創作人「搵唔到食」是正常？」（有片睇）｜跳出comfort zone〉 (香港中文). 經濟一週. 原先內容歸檔喺2019-10-09. 喺2020-08-12搵到.
  27. ↑ Smart ED編輯部 (2019-09-06). 〈藍橘子由文員到KOL再開出版社！「為何創作人「搵唔到食」是正常？」（有片睇）｜跳出comfort zone〉 (香港中文). 經濟一週. 原先內容歸檔喺2019-10-09. 喺2020-08-12搵到.
  28. ↑ 霍芷晴 (2020-08-07). 〈【職人專訪】藍橘子莎比亞︰無懼書展延期 網上賣書竟成優勢〉 (香港中文). CTgoodjobs. 原先內容歸檔喺2020-10-23. 喺2020-08-12搵到.
  29. ↑ 例:聖公會基恩小學
  30. ↑ 霍芷晴 (2020-08-07). 〈【職人專訪】藍橘子莎比亞︰無懼書展延期 網上賣書竟成優勢〉 (香港中文). CTgoodjobs. 原先內容歸檔喺2020-10-23. 喺2020-08-12搵到.
  31. ↑ medianews0909 (2019-05-20). 〈香港作家藍橘子：「希望大家認識的是會說故事的藍橘子。」〉 (臺灣中文). 銘報即時新聞. 原先內容歸檔喺2019-12-05. 喺2020-08-12搵到.
  32. ↑ 盧子健 (2018-08-07). 〈現實比故事怪奇 藍橘子：呃like是另一種堅持〉 (香港中文). CTgoodjobs. 原先內容歸檔喺2020-09-28. 喺2020-08-12搵到.
  33. ↑ 《学海》学生记者 (2019-12-24). 〈"剥开果皮才看到肉色"．蓝橘子用故事谈人生〉 (馬來西亞中文). 星洲日報. 喺2020-08-15搵到.
  34. ↑ Smart ED編輯部 (2019-09-06). 〈藍橘子由文員到KOL再開出版社！「為何創作人「搵唔到食」是正常？」（有片睇）｜跳出comfort zone〉 (香港中文). 經濟一週. 原先內容歸檔喺2019-10-09. 喺2020-08-12搵到.
  35. ↑ 《学海》学生记者 (2019-12-24). 〈"剥开果皮才看到肉色"．蓝橘子用故事谈人生〉 (馬來西亞中文). 星洲日報. 原先內容歸檔喺2021-12-29. 喺2020-08-15搵到.
  36. ↑ 王文君 (2017-09-27). 〈香港金閱獎出爐〉 (香港中文). 大紀元時報. 原先內容歸檔喺2017-10-10. 喺2020-08-12搵到.
  37. ↑ Smart ED編輯部 (2019-09-06). 〈藍橘子由文員到KOL再開出版社！「為何創作人「搵唔到食」是正常？」（有片睇）｜跳出comfort zone〉 (香港中文). 經濟一週. 原先內容歸檔喺2019-10-09. 喺2020-08-12搵到.
  38. ↑ 賴家俊 (2020-08-04). 〈《多啦A夢》惡搞成人版 是文化創作還是低俗演繹？〉. 《香港01》 (香港中文). 原先內容歸檔喺2020-09-19. 喺2020-08-12搵到.
  39. ↑ 張定明 (2016-12-01). 〈【港產叮噹】大雄死了？靜兒成為阿福老婆 故事一日吸15萬個Like〉. 《香港01》 (香港中文). 原先內容歸檔喺2021-07-13. 喺2020-08-15搵到.
  40. ↑ 盧子健 (2018-08-07). 〈現實比故事怪奇 藍橘子：呃like是另一種堅持〉 (香港中文). CTgoodjobs. 原先內容歸檔喺2020-09-28. 喺2020-08-12搵到.
  41. ↑ Smart ED編輯部 (2019-09-06). 〈藍橘子由文員到KOL再開出版社！「為何創作人「搵唔到食」是正常？」（有片睇）｜跳出comfort zone〉 (香港中文). 經濟一週. 原先內容歸檔喺2019-10-09. 喺2020-08-12搵到.
  42. ↑ Kay (2017-09-28). 〈藍橘子被檢舉太多或消失 FB？網民力撐：繼續寫唔好停〉 (香港中文). ezone.hk. 原先內容歸檔喺2021-11-20. 喺2020-08-12搵到.

睇埋[編輯]

拎[編輯]

由「https://zh-yue.wikipedia.org/w/index.php?title=藍橘子&oldid=2113214」收