藍鴻震

藍鴻震，GBS，JP，人稱「藍爺」，香港親中陣營人士，新世紀論壇副召集人，前民政事務局局長、全國政協委員(第10及11屆)、國際專業管理學會會長。

政治參與同經歷

2000年第2屆香港立法會選舉，佢參選香港島選區，係繼黃錢其濂之後，第二位角逐立法機構議席嘅港府高官，但佢嘅四人名單只係攞到14,329票。

佢亦支持香港基本法第23條立法，喺2020年5月，佢曾經參與一份由「23同盟」、「香港政研會」同「民眾聯席」等多個激進建制派團體發起嘅聯署，要求就基本法23條立法，聯署內容又以黑暴攬炒形容香港修例風波示威者嘅行為。