藝起發光

出自維基百科,自由嘅百科全書

台灣藝起發光促進協會(Arise and Shine Artists Association),簡稱藝起發光,係一個由台灣藝人組成,2012年成立嘅基督教社團,每年會固定舉辦「愛在四月天」演唱會活動。

起源[編輯]

「藝起發光」嘅起源係2010年佳音教會邀集咗唔同教會嘅基督徒,喺國父紀念館舉辦咗「愛在四月天」演唱會,參與其中嘅藝人們深受感動,於是就想一切做一啲嘢,當時參與嘅人有黃國倫寇乃馨彭文正李晶玉宋逸民陳維齡宋達民洪百榕劉畊宏王婉霏何戎夫妻、李明依紀寶如等。黃國倫擔任首任理事長[1]

組織[編輯]

台灣藝起發光促進協會第三屆同工名單[2]

  • 榮譽理事長-孫越
  • 理事長-宋逸民
  • 秘書長-洪敬堯
  • 常務理事-李明依、紀寶如
  • 理事-宋達民、岑永康、洪榮良、陳維齡、陳璽恩、黃柏青、何戎
  • 常務監事-彭文正
  • 監事-倪子鈞、劉畊宏
  • 核心同工-李晶玉、洪百榕、張珮珊、邱曉楓、Kelly、王婉霏

爭議[編輯]

定位爭議[編輯]

前成員黃國倫雖然係第一任理事長,但佢喺2012年就離開咗。喺2022年接受訪問嘅時候佢話,佢當時諗法係希望結合眾教會去做一啲社會公益嘅事,但有啲人就覺得應該只做教會佈道嘅事務。佢又話,「藝起發光」創始嘅時候只係個協會而唔係教會,兩者有極大差別,對於近兩年喺新聞形容「藝起發光」係教會,佢感到十分詫異,唔知幾時「藝起發光」成為咗教會[1]

小甜甜被家暴風波期間被指有管理問題、阻止受害者報警以及誹謗受害者[編輯]

喺2022年12月,藝人小甜甜(張可昀)喺Facebook揭露自己被家暴,之後事件發醇,宋逸民夫婦同白家綺夫婦四人被指阻止小甜甜報警同驗傷,要小甜甜學會饒恕,宋逸民又被指對小甜甜破口大罵,但宋逸民否認[3][4]。另一方面,宋逸民喺聲明稿入面指出小甜甜私生活有很大狀況,亦引爆一啲人指控教會有唔同管理問題,對教會嘅指控包括要求教友貸款、唔工作專心服事主、對入教會資格審查,踢唔鍾意嘅教友出教會兼且已讀不回、洗腦教友、用電話或當面破口大罵、限制教友嘅交友圈等[5]

資料來源[編輯]

  1. 1.0 1.1 訝異「藝起發光」變教會 黃國倫認當年「不得不離開」 2022.12.28 聯合新聞網
  2. . 原著喺2023年2月9號歸檔. 喺2023年2月7號搵到.
  3. 中時新聞網. 出小甜甜風波 藝起發光曝宋逸民四人現況:舊事已過 - 娛樂. (中文). 喺2023-02-07搵到.
  4. 被妳毀了!小甜甜遭宋逸民譙40分鐘10年前我絕不饒妳. (臺灣中文). 喺2023-02-07搵到.
  5. 身泛淚首談小甜甜 仍信宋逸民?白家綺回應了. 週刊 Mirror Media (繁體中文). 2022-12-29. 喺2023-02-07搵到.