蘇珊·巴菲特

蘇珊 湯臣 巴菲特（Susan Thompson Buffett，1932年6月15號—2004年7月29號）係美國維權人士，主力公民權，支持墮胎權同節育，支持種族平等，係投資者華倫 巴菲特嘅第一個老婆。死前擁有 2.2% 巴郡嘅股份 。做過巴菲特基金會主席。

蘇珊喺內布拉斯加州嘅奧馬哈出世，喺奧馬哈中央高中畢業。佢老豆係威廉 赫佐格 湯臣（William Hertzog Thompson），喺內布拉斯加大學奧馬哈分校做、心理學家、院長；做過候活 巴菲特（Howard Buffett）嘅競選經理。蘇珊同巴菲特經過華倫個妹介紹，喺西北大學相識，1952年喺奧馬哈嘅鄧迪長老會教堂結婚，有三個細路：蘇珊（1953年7月30號出世）、候活（1954年12月16號出世）同埋彼得（1958年5月4號出世）。1977年蘇珊去咗舊金山發展歌唱事業，最初住喺 Nob Hill，Gramercy Tower 嘅細帕文，之後搬咗去 Scott Street 一間大屋，有金門大橋景。蘇珊同巴菲特分居之後，關係都唔錯，仲有幫手打理慈善基金。去過紐約表演，出過幾隻 CD。2004年死於口腔癌。