蝕本帶路貨係以低過最低利潤率（英文：profit margin）嘅價格賣出，而去帶動其他產品銷量嘅產品。用蝕本帶路貨係一種定價策略、促銷策略同埋行銷策略。蝕本帶路貨嘅售價係低於佢嘅最低利潤率，但係唔一定低於成本價。
蝕本帶路貨最常見嘅一種用法係吸引顧客入鋪。店家預期顧客會喺買帶路貨之餘，再買埋其他商品，而靠其他商品嘅利潤產生淨利潤。店家要持續分析蝕本帶路貨及其他商品嘅帳目狀況，嚟監控策略嘅成效，以避免虧損。
