表面紋理

表面紋理（英文：surface finish）係物質界面嘅性質，由地形（lay）、表面粗糙度（surface roughness）、起伏度（waviness）呢三個特徵嚟定義。當個表面唔係理想嘅光滑平面，而係有局部嘅細微偏差嘅時候，呢啲偏差就組成咗表面紋理。

表面紋理係決定摩擦力嘅重要因素，仲可以喺層間滑動嘅時候傳遞層嘅信息。關於唔同滑動條件下表面紋理對摩擦力同磨損嘅影響，已經有好多研究。表面紋理可以係各向同性嘅，都可以係各向異性嘅。當表面具有某啲紋理嘅時候，喺滑動中可以睇到黐滑摩擦現象。