袁世凱
| 袁世凱 | |
|---|---|
 | |
| 姓名原文 | 袁世凱 |
| 出生日 | 1859年9月16號  |
| 出生地 | 項城 |
| 死亡日 | 1916年6月6號 （56歲） |
| 死亡地 | 北京 |
| 死因 | uremia |
| 國籍 | 大清、中華民國、中華帝國 |
| 識嘅語言 | 中文 |
| 職業 | 政治人、軍人、military leader |
| 政黨 | 共和黨 |
| 仔女 | Yuan Kequan、Yuan Keding、Yuan Ko-wen、Yuan Kehuan、Yuan Kezhen、Yuan Jingxue |
| 阿爸 | Yuan Baozhong |
[改維基數據] | |
袁世凱（1859年9月16號—1916年6月6號），字慰亭，號容庵，出生於中國河南省項城市，大清末期至中華民國初期嘅軍事家、政治人、改革家、中華民國第一任大總统、北洋政府第一位國家元首、中華帝國皇帝。
佢喺武昌起義之後做清政府嘅內閣總理大臣，迫清朝最後一位皇帝溥儀退位，之後袁世凱做咗中華民國臨時大總統同大總統。佢喺1915年12月宣佈喺1916年元旦登基做中華帝國皇帝，改元洪憲。[1]蔡鍔等人喺1915年12月響雲南起兵反袁，之後貴州、廣西都加入反袁行列，連本來係自己人嘅段祺瑞、馮國璋都唔支持袁世凱做皇帝，袁世凱被迫喺1916年3月宣佈撤銷帝制，之後羞憤而死。
生平[編輯]
袁世凱喺1859年響河南省項城出世，後生嗰時曾經考過科舉，但係落第，之後佢參軍，曾經參與過壬午兵變、甲午戰爭等等嘅戰事，獲得李鴻章賞識，之後主力負責訓練軍隊。
1900年袁世凱做山東巡撫。李鴻章過身之後，袁世凱做直隸總督、北洋大臣。佢主張廢除科舉、成立新軍隊、起學校、起工廠等等，而中國第一支警察隊伍，亦係喺袁世凱督導之下成立。1908年清德宗光緒帝同慈禧太后過身，溥儀做咗皇帝，由醇親王攝政。醇親王一向同袁世凱有牙齒印，袁世凱先至返番河南個老家。
1911年辛亥革命爆發，袁世凱乘機上位，做埋內閣總理大臣。佢後來代表清朝同孫中山講和，最後又係佢喺1912年迫溥儀退位。袁世凱無耐重做埋中華民國臨時大總統。1913年發生二次革命，好快就畀袁世凱平息咗。跟住佢迫國會選佢做正式大總統。之後佢解散咗國會，修改大總統選舉法，畀佢可以無限期連任大總統。但係佢仲想做埋皇帝，於是搞帝制運動，喺1915年12月宣佈喺1916年元旦登基做中華帝國皇帝，改元洪憲。[1]佢做咗83日[2]皇帝後，喺1916年3月22號響各方壓力底下撤銷帝制。袁世凱仲想繼續做大總統，但係各方要求佢退位嘅壓力持續。袁世凱喺1916年6月6號病死，之後由副總統黎元洪繼任大總統。
評論[編輯]
傳統上中國人都對袁世凱冇咩好感，尤其係佢自立為皇帝，就係俾中國人閙得最犀利嘅地方。之但係佢主張廢除科舉、成立新軍隊、起學校、起工廠，重組織咗中國第一支警察隊，亦都反映出袁世凱好有見識，才幹超卓。
參考[編輯]
- ↑ 1.0 1.1 《寫給香港人的中國現代史（上冊）》. p. 184. ISBN 9789888675258.
- ↑ 《寫給香港人的中國現代史（上冊）》. p. 186.
出面網頁[編輯]
.svg){kind=small}
