裕熙園

出自維基百科,自由嘅百科全書
跳去導覽 跳去搵嘢
裕熙園

裕熙園Yue Hei Yuen)係香港屋苑,係住宅項目,喺香港島太平山頂。園有一排五間獨立屋,響貝璐道四號。裕熙園建築面積,一伙四千三百平方呎,自設私人泳池,兼有前後花園、車位咁,家下地產估價市值每伙至少四億港紙。屋名分叫ABCDE,當中A屋B屋係相連,係前香港特別行政區行政長官梁振英所有。

僭建醜聞[編輯]

裕熙園A屋及B屋,業主梁振英遭人揭發僭建,共六七處之多,成爲醜聞。梁振英競選香港特別行政區長官時,聲明佢居所,有專業人士證明,毫無僭建之處。因爲前言不對後語,如今變咗誠信醜聞。

屋係梁振英夫婦,一九九九年,以有限公司名義買入。

二零一二年六月廿號,明報揭發梁振英居所,僭建一百一十平方呎玻璃棚。梁認之前係木花棚,收尾白蟻蛀,改建金屬玻璃結構,話唔記得向屋宇署入則申請,係「無心之失」,無意違例;重即刻拆晒[1]。不過香港立法會議員梁家傑認為梁戶主「無資格」做香港特首

六月廿二號,明報又報,有其他僭建。此事引來大量記者守候,並有新聞社租吊雞車拍攝梁振英大宅。

梁氏報稱先前已知部份僭建,因競選事忙,暫唔理住。又稱部份僭建,係之前業主留低。又講雖然係測量師,負責估值,不過唔識睇僭建。不過呢啲講法,引來更多質疑[2]

附近[編輯]

參考[編輯]

  1. "梁振英山頂豪宅僭建 認「無心之失」即拆 議員轟存心欺騙". 原著喺2013年1月5號歸檔. 喺2012年6月23號搵到.
  2. "梁振英大話冚大話 罪犯欺君". 原著喺2020年3月28號歸檔. 喺2012年6月24號搵到.