西北航運

香港西北航運快線有限公司，簡稱「西北航運」（英文：Hong Kong North West Express），曾經係香港一間渡輪公司，主要營運香港屯門碼頭至澳門嘅跨境渡輪服務。

西北航運原本打算喺2006年9月開辦屯門至澳門嘅航線，並以新界西部嘅屯門碼頭作為香港基地，但因為申請俾澳門當局否決咗，計劃未能成事。之後，西北航運喺2006年11月3日至2007年10月11日期間改為營運屯門至珠海嘅跨境渡輪服務，並喺2007年6月15日至2010年12月15日期間開辦屯門往返深圳蛇口嘅航線。自2010年12月16日起，西北航運一度暫停所有渡輪服務。直到2011年4月15日，西北航運終於成功開辦屯門至澳門嘅航線。

不過，去到2012年7月1日，公司旗下所有航線都停止咗營運，並喺同年9月10日正式結業。