西夏文石幢

西夏文陀羅尼經文嘅石柱 (石柱 A 喺左邊, 石柱 B 喺右邊）

西夏文石幢係兩條刻有西夏文陀羅尼經文嘅石柱，一九六二年喺中國河北省保定市發現。呢兩條石柱喺大明中葉整出嚟，弘治十五年十月，即一五〇二年，係目前已知最遲鑿有西夏文嘅實物。

呢兩條石柱亦係罕有嘅西夏文巨型刻文例子，而且位於西夏王朝統治範圍以外嘅地區。除咗呢兩條石柱之外，華北地區唯一另一個已知嘅西夏文刻文，就係位於北京居庸關嘅十四世紀雲台，即「過街塔」。呢兩條石柱顯示，即使喺西夏王朝畀蒙古帝國滅咗之後近三佰年，即十六世紀初，仍然有西夏人住喺遠離西夏故土（即今寧夏同甘肅）嘅保定度。

A 柱睇清楚，有個唐字日子，即一五〇二年

兩條柱呈八角形，有基座同蘑菇型嘅頂。A 柱高 2.28 米，B 柱高 2.63 米。兩條柱差唔多面面都刻有西夏文；A 柱六面刻咗九八三個字；B 柱五面刻咗一〇二九個字，而 A 柱上面仲有一行唐字。兩條柱都冇浮雕或者雕刻裝飾。