西環契仔契女
(由西環契弟黨跳轉過嚟)
呢篇文係香港政治系列之一 |
憲制文件
|
|
|
|
其他香港系列
|
各國政治 • Portal:政治 |
西環契仔契女,又稱西契黨、西環黨、西環契弟黨,係指一啲被指由中央人民政府駐香港特別行政區聯絡辦公室(簡稱香港中聯辦)背後扶植同支持嘅香港建制派陣營人士(多指香港親共人士外嘅建制派人士),係諷刺詞語。
由於西環係香港中聯辦所在地置,所以用「西環」代指中聯辦(相對「中環」代指香港特別行政區政府)。粵語所講「契弟」除指結拜細佬,又有基佬意思,並引申為粗口[1][2][3]。
喺社會輿論下,例子有:香港立法會議員創建力量謝偉俊(法律超人)、經民聯梁美芬(鼠王芬)、新民黨容海恩(容E)、葉劉淑儀(葉太),同自稱「獨立」無政黨,但其實係新世紀論壇理事嘅新界大聯盟何君堯(建制戰狼),甚至乎新世紀論壇嘅龐愛蘭亦包括在內(部份法律界出身)。
由張曉明時代開始冒起嘅新興激進建制派組織有「愛護香港力量」、「愛港之聲」、「保衛香港運動」等。
反而,傳統建制派政黨民建聯、工聯會就係「中聯辦親生仔女」[1][4][5];而自由黨就係「中環親生仔女」。
參考[編輯]
- ↑ 1.0 1.1 〈港"西契党"引争议〉. 聯合早報. 2016-09-19. 原著喺2018-05-11歸檔. 喺2018-05-11搵到.
- ↑ 〈何君堯同周永勤衝突背後:中聯辦同香港鄉事派角力〉. 端傳媒. 2016-08-29.
- ↑ 李道 (2017-09-23). 〈【殺無赦風波.博評】西環契仔個朵,恐何君堯「免死金牌」〉. 香港01.
- ↑ 〈「西環契仔契女」都係法律界中人?〉. 香港01. 2016-09-19. 原先內容歸檔喺2018-05-11.
- ↑ 〈數張曉明「三宗罪」惹火囂張 製造撕裂〉. 成報. 2017-09-23. 原先內容歸檔喺2017-10-14.