西華路 (廣州荔灣)

出自維基百科,自由嘅百科全書
西华路
XIHUA LU
性質: 一般馬路
全長: 1.6公里
行車線: 雙向2~3車道
康王北路嘅西邊:西向東嘅單行綫。
康王北路嘅東邊:雙行綫。
地區: 廣州市荔灣區
起點: 東風西路南邊嘅鐵路邊
終點: 人民北路
主要建築: 康王商業城
彩虹電影院
廣州市第八十二中學
廣州市南海中學
越富廣場
  呢篇文講荔灣區嘅西華路。想搵番禺區嘅西華路嘅話,請睇西華路 (廣州番禺)
  呢篇文講廣州市嘅西華路。想搵其他城市嘅西華路嘅話,請睇西華路

西華路粵拼sai1 waa4 lou6)係中國廣東廣州嘅東西走向馬路,喺荔灣區和平新村東邊到越秀區人民北一帶。西邊從東風西路南邊嘅鐵路邊開始,一直向東去到人民北路嗰頭。

概要[編輯]

全長1600米,闊16米,雙向2—3車道。成條路除咗從東風西路南邊嘅鐵路邊開始,去到康王北路口附近都係單行線,凈係可以從西邊向東邊行,凈低嘅路都係雙行線。

[編輯]

其實呢條馬路喺好耐之前唔係嗌「西華路」,係嗌咗「萬善里」同埋「宜民市」呢兩個名,其中呢度講嘅「宜民市」同埋「萬善里」就係西華路嘅東邊呢條。喺清朝嗰陣就嗌咗係「萬善里」呢個名,不過到咗1650年,清兵入關嗰陣,雖然話清政府控制咗東邊靠海邊嘅幾個省,但係喺東南嘅海邊附近,有好多個省就爆發咗好多又大又細嘅反清複明運動。尤其喺廣東嘅地區附近同埋福建南邊嗰頭重勁,佢哋同埋臺灣嘅鄭成功一齊嚟玩死清朝。結果清朝嘅宮廷啲人爲咗唔冇畀啲靠海邊嘅人同埋鄭成功嘅部落一齊玩嘢,就搞咗蹼街到冚家富貴嘅「界海清野」政策,就係從遼寧嗰邊開始劃到去廣西差唔多越南嘅邊境。而呢條界咁啱得咁橋就過咗番禺蓮花山。嗰陣清政府規定咗:「如估啲人喺呢條線出面嘅話,必須要限你喺72個鐘範圍同我返返去條界嘅幾十里範圍入面,如估唔係嘅話,你冇得玩喇。玩完!」

結果就係呢條規定玩嘢,搞到番禺、中山東莞寶安呢六個縣嘅居民都O嗮嘴(因為佢哋啱啱就被呢條線劃咗出去)。爲咗配合呢次嘅避難,就搞咗好多家庭就乜都冇嗮,全部都從〇開始。結果清兵就去到條線出面就開始搞咗拆嗮、劏嗮、丼嗮嘅「三嗮政策」。就係噉,有啲移民走嗮嚟廣州之後就響依家嘅西門口同埋人民北路附近嗰邊,搞咗圍繞槳櫓呢行嘢嘅呢個集市。由於呢啲做生意同買賣嘅人都係移民過嚟嘅,所以「移民市」嘅名就係噉嚟。後嚟呢單嘢被清政府激到扎扎跳噉,佢唔想畀啲市民知佢做咗啲咩衰嘢,结果就將「移民市」嘅名嘅「移」字,改咗個同音字——「宜」,重嗌人特登劃咗舊石碑放咗響集市出面,上面重寫住「宜民市」三個字。

而西華路尾嗰邊,以前係冇街嘅。而光復北路最北邊到彩虹橋呢部份,係攞咗宜民市、連桂坊、榮圩同埋彩虹橋直街四條挾埋一齊到鐵路邊為止嚟整闊咗條路嘅。而呢條路就係喺1933年整闊咗條馬路先至搞成依家噉嘅名。

特色[編輯]

呢度係本土「夜貓」好鍾意去食宵夜嘅地方。喺晚飯嗰陣一直到深夜,啲人氣都冇降過咁滯,甚至重越嚟越HIGH添。究竟係點解?因為附近有一大片居民區,加上條路雖然話唔係幾闊啫,但係條路嘅兩邊有嗮老廣州嘅味。例如腸粉檔、瀨粉檔、牛雜鋪,傳統嘅粵菜館。重有喺82中附近,有一喳四川辣味同埋湖南佬嘅餐檔都響度[1]

經過嘅道路[編輯]

呢度啲路嘅順序係從西去到東嚟排嘅,其中加粗咗嘅字係主幹道:

[編輯]

  1. 西华路:品老广州滋味 互聯網檔案館歸檔,歸檔日期2013年6月27號,. 金羊網