西貢墟天后古廟及協天宮

西貢墟天后古廟同協天宮喺香港新界西貢區西貢市中心普通道，天后廟同協天宮相鄰緊接喺一齊，佢哋唔係同時起嘅，由「西貢街坊值理會」打理，喺1996年被評為三級歷史建築，2009年12月18號改被評為香港二級歷史建築。呢座廟唔單止係西貢區嘅宗教中心，更係地區政治、經濟、鄉事、教育同醫療嘅發源地。

史[編輯]

天后廟起嘅年份已經無從稽考，據說已有百幾年歷史，曾經喺1965年同1993年重修。

「天后廟」門額係「天后古廟」，兩邊對聯：「聖蹟自莆田恩流貢土，慈雲開港海澤被岡州」。

「協天宮」又叫「關帝古廟」，原本喺西貢墟裏面「躉場」即而家「西貢醫局」嘅位置，因為日久失修，鄉民決定夾錢重修，喺1916年（民國五年）將間廟搬到現址，同「天后古廟」起埋一齊。

「協天宮」門額係「協天大帝」，兩邊對聯係廣東探花陳伯陶所寫：「正漢一心貫徹千秋忠義氣，空曹兩目看開萬古帝天模」。

呢篇西貢墟天后古廟及協天宮係香港建築嘅楔位文章，重未完成嘅。麻煩你幫手補充佢嘅內容。