訂閱模式

（設計對白）「嗱，今後我每個月都攞啲貨嚟畀你，跟住我自動由你個 account 度扣錢，噉樣就方便你唔洗花時間諗畀錢嘅嘢啦。」

叫 訂閱 El Gallo 嘅 宣傳單張

訂閱、認購、訂購（英文：Subscription business model）訂閱商業模式係一種做生意嘅方法，客定時定候（例如每月或每年）俾錢，先可以 繼續 用 樣產品 或者 服務。

呢種模式 最早 可以 追溯到 十七世紀，當時由書商 同 期刊出版商 帶頭 採用 。 而家 數碼產品 方面 特別，成日用，因為 數碼產品本身 都好自然 適合 用 訂閱形式 去提供 。 對消費者嚟講，訂閱 可以 係 一種 比較 方便、冇咁麻煩 嘅 交易方式 。 不過，由於 有啲人 會「自動波」慣性 續訂，冇留意 自己 有冇 再用 或者 冇價值 嘅 服務，結果 無意中 繼續 俾錢 。

嗌法

訂閱 係由 subscription 譯過嚟，畀咗 啲訂 去 睇書、報紙、期刊 （即 閱）， 隨着 時代 嘅 變，個字 嘅 意思 亦有 增加，喺 字面，就 反映唔到。 Cambridge dictionary 將 subscription 譯成：訂閱費，訂購款；服務費，（機構 或 俱樂部嘅）會費，（文化活動嘅）季票，公司 股票 認購機會。 「訂閱」講咗 一堆 有拏褦 嘅 嘢，喺 粵文 嘅 語景 講 唔同 嘅 嘢:

• 畀咗 錢，訂一個 長期供應
• 定期 服務 提供
• 訂定 啲貨，定期 送到
• 唔 使 錢，有 就 提應
• 供貨商 有貨 就 通知 嚟攞
• 服務 費用
• ...

訂閱

相比起 逐件 產品 咁賣，訂閱 係提供 定期 使用權 或 睇 嘅 權。如果 以 演出 為主 嘅 機構（例如 歌劇團），就可能 係 包晒 成季 某個數量（例如 五 至 十五場）安排好嘅 演出 門票 。咁樣 原本 一次 性銷售，就可以 變成 持續 性收入，仲有 助建立牌只 嘅 忠誠度 。

用 呢種 模式 嘅 行業 包括：郵購書會 同 音樂會、私人 網上電郵服務、有線電視、衛星電視 同 收費頻道、提供 數碼音樂 下載／傳流 或 電子書 嘅 平台、有聲書、衛星電台、電話公司、流動網絡 營運商、網絡供應商、軟件發行商、網站（例如 網誌網站）、商業方案供應商、金融公司、健身中心、剪草 同 剷雪 服務、藥品、租樓、物業稅，以至 傳統報紙、雜誌 同 學術期刊。

訂閱 可以 定期續期，亦 可以 設定 自動續訂，透過 信用卡 或 銀行戶口 自動扣數。喺 網上遊戲 同 網站入面，一個 常見 變化 係「freemium」模式，即係 基本內容 免費，但 高級功能（例如 遊戲道具 加成 或者 文章 資料庫）就 只限 畀錢 訂戶 用 。

除咗 freemium 之外，其他 訂閱 定價變化 亦 愈嚟愈 普遍。例如 分級 定價 模式（tiered pricing），喺 SaaS（軟件即服務）平台好常見，按 唔同 訂閱級別 提供 唔同 功能 同 存取權，就 客戶需要 做出 調整。 另外 一種 係 按 用量 收費（usage-based pricing），根據 客 實際 用服務 或 產品 嘅 程度 嚟 收錢，喺 使用量 相差大 嘅 服務業 入面 愈嚟愈 流行 。

類 同 例

類型：

• 固定產品 或 服務訂閱
  • 即係定期收到一組固定商品或服務。

• 期刊（例如報紙或雜誌）都有幾種訂閱形式：
  • 付費發行（Paid circulation）
  • 免費發行（Non-paid circulation）
  • 控制發行（Controlled circulation）
• 而家亦流行各種「訂閱盒」服務，入面通常包含唔同消耗品，例如：
  • 社區支持農業（Community-supported agriculture）
  • 送餐服務（Meal delivery service）
  • 食材包配送遞服務（Meal kit delivery service）
• 無限使用某項服務
  • 即係 訂閱後，可以 任用 服務，可能 只限 個人使用、家庭使用，或者某啲情況下 畀 一個團體 同時 用。
  • 喺 出版界，如果以折扣價訂閱一組期刊，通常會叫做「big deal」。

例：

• 軟件即服務（Software as a Service, SaaS）
• 用幾多計幾多 （Pay-as-you-go 訂閱）消費者 訂閱 後 定期 收到 某樣產品，亦叫做「方便模式」（convenience model），因為 唔使 自己 記住 定時 去買。 呢種 模式 畀 好似 Dollar Shave Club、Birchbox 同 OrderGroove 呢啲 公司 帶紅 。 之後 好多 零售商 都開始 跟住做。
  • 例如 公司 幫 員工 買鐵路月票，未必係個人專屬，但 全體 員工 都 用得。 不過，對於 供應量 無限 嘅 商品 或 者高級服務，呢種集體式訂閱比較少見。
• 基本服務 + 按用量收費
  • 例如電話基本月費係固定，但 長途電話、查號服務 或者 逐次 收費會 另外計。
  • 如果 基本服務 免費，而 進階功能 要 俾錢，通常就叫做「Freemium」模式。
• 網上內容創作者訂閱
  • 呢種 模式 通常 配合眾籌，支持 內容創作者。粉絲 可以 互動、打賞，亦可以 睇到 獨家 畀錢 內容。
  • 常見 平台 例如 Patreon 同 OnlyFans。

出版

喺 出版業，訂閱模式 通常 涉及 收費牆（paywall）、畀錢 網站（paysite）或者 其他「收費取用」系統（同 開放取用 相對）。

由於 數碼廣告 收入 下降，愈來愈多 出版商 傾向 用 畀錢訂閱模式，因為 收入 相對穩定 。

學術期刊

喺 學術 出版 領域，訂閱模式 代表 某本 期刊 或 會議論文集 嘅 文章，淨係 訂戶 先 睇得。通常 大學、高等 教育機構 同 研究機構 會 畀錢 買 訂閱，不過 亦有 出版社 提供 個人訂閱 或者 逐 篇文章 買。

同 報紙 呢啲媒體 唔同，學術出版 嘅 訂閱費 通常 唔係 用嚟 畀 內容創作 成本，科學文章 由 研究人員 寫，亦 有 其他 研究人員 審稿，呢啲 都係 佢哋 要做 嘅 嘢，出版社 一般 唔會 畀錢 作者 同 審稿人。開放 畀人睇（open access）支持者 認為 訂閱模式 唔太 理想。

相對於「公開 睇到」（open-access）模式，用 訂閱模式 嘅 學術出版物 通常 就「封閉 取用」（closed-access）。

公司 優勢

而家 好多 公司 轉向 訂閱制，因為 呢個模式 可以 帶來 穩定 同 經常性 嘅 收入。唔似 一次性 買賣 咁，訂閱 可以 確保 每個月 都有 收入，令 財務規劃 同 預測 更加容易。收入穩定 亦令 投資者 安心，公司 都唔洗 依賴 節日 或者 單次促銷 嚟維持 現金流，全年 收入 會 比較 穩定 。

另一個 好處 係 訂閱 可以 建立 長期 客戶關係。當 客戶 長期 使用 服務，公司 可以 增加 客戶 終身價值，提供 升級 或者 額外 功能，同時 收集 持續 回饋。呢個 模式 會令 公司 不斷 改善產品 或者 服務，保持 顧客 滿意度 同 忠誠度。而且，訂閱 通常 前期 成本 低，客戶 易啲 試用，成功 吸引 同 留住 佢哋 嘅 機會 都大啲 。

訂閱模式 仲可以 幫 公司 收集 更多 客戶數據。因為 客戶 持續 使用 服務，公司 可以 了解 佢哋 嘅 使用習慣 同 喜好，從而 提供 更個人化 嘅 服務 同 針對性 嘅 推廣。呢啲數據 可以 幫助公司 預測 客戶需求、改進 產品，令 用戶 更 投入。而且，尤其 對於 數碼產品，訂閱模式 好易 擴張，一旦 系統 搭好，多 幾個 客戶成本 唔會 高好多 。

訂閱模式 亦 方便 公司 投資 同 擴展。穩定 嘅 收入 令 公司 可以 計劃 長期項目，好似 研發、新產品、市場推廣 或者 擴展業務。公司 可以 持續 創新 同 提供 新價值，留住客戶。整體嚟講，對公司嚟講，訂閱制 可以 帶嚟 財務穩定、加強 客戶 關係，同埋 創造 增長機會 。

批評

訂閱模式 為公司 提供 穩定 而 經常性 收入，但對 顧客 可能 會 帶來 挑戰。唔少 人 會有「訂閱疲勞」，因為 要 處理 多個 訂閱，容易 搞亂，畀咗錢，亦 唔 記得 取消 訂閱，或者 覺得 被迫 繼續 用某啲 唔再 需要 嘅 服務。 而且，有啲 公司 會 用 自動續訂 或者 複雜 嘅 取消過程，令 顧客 感到 困擾 。 另外，有啲 比較 差 嘅 做法 係，加入 好 容易，但 想 取消 就 變得 好難 。

好多 公司 故意 令 取消過程 變得 好複雜，好似 要 顧客 經過 多 個 步驟、聯絡 客戶服務，等一大論，好耐 都 唔得 。

甚至 有啲 公司 會 將 取消 粒掣 收得好埋，令人好得 搵到，亦有 用令人 陀陀擰 嘅 條款，令 顧客 覺得 過程 好繁複，呢啲 做法 想 令 顧客 唔想取消，或者唔記得 取消，從而 繼續 收未用 嘅 服務費。

做啲嘢

美國

美國聯邦貿易委員會（FTC）想 修訂 負選擇規則（Negative Option Rule），係 為咗 保護 消費者 唔會 無意中 自動 俾 商家 收 訂閱費，要求 商家 要清楚列明條款，喺收費前 獲得 消費者 明確 同意，仲要 提供 一個 簡單 嘅 方法 畀 消費者 取消訂閱。規則 仲 要求 喺續期 之前 提醒 用家，同時 禁止 未經 授權 嘅 收費 。呢個 規則 嘅 目標 係 令 訂閱服務 更加透明，避免 誤導性 嘅 做法，例如 隱藏 嘅 自動續訂，確保 消費者 可以 控制 自己 嘅 持續付款，並可以 好 容易 取消 或者 避免 唔想要 嘅 收費。

美國 第八巡迴上訴法院 擋咗「點擊取消」規則（負選擇規則），呢條 規則 係想 幫 消費者 更加 容易 取消 訂閱。咁即係話，企業 唔需 要跟 FTC 嘅 要求，簡化佢哋 嘅 取消 流程 。法院話 FTC 喺 處理 過程中 有錯，令到 法律 框架 有啲 問題。對 消費者 嚟講，呢個 係 一個 挫折，但唔 代表 件事 完咗，FTC 有機會 再修改 呢條 規則 。 對 美國 企業 嚟講，今次 係 勝利，因為 佢哋 唔使 即刻 改變 取消 訂閱 嘅 系統 。

歐盟

歐盟 新規定 要求 企業 為 消費者 提供 一個簡單、易用 嘅 方法 去取消 訂閱，通常 需要 設有 一個 清晰 嘅「取消」製，令 消費者 可以 輕鬆 終止 服務。根據《Directive (EU) 2023/2673》，呢項 指令 修訂咗 原本 嘅《EU Consumer Rights Directive (2011/83/EU)》， 主要 適用 於 透過 網站 或 手機應用程式 等 網上 介面 訂立「distance contracts」（遙距合約）嘅商家。新 規定 強調，取消 程序 必須 同 註冊 服務 一樣 簡單 方便，商家 唔可以 設置 過多 繁瑣 步驟 或者 人為障礙，避免 消費者 因為 程序複雜 而 難以 終止 訂閱 。

同時，商家 亦 需要 清晰 列明 取消條款，例如 需要 幾多 時間 提前通知、有冇其他條件噉，確保 消費者 喺 做 決定前 可以 清楚 了解 相關 安排。呢啲 措施 旨在 加強 對 歐洲 消費者 嘅保障，提升 網上 訂閱服務 嘅 透明度 同 公平性。

根據規定，歐盟成員國 必須 喺 2025 年 12 月 19 號 前 將 相關 要求 納入 本地法律，由 2026 年 6 月 19 號 起 正式 生效，企業 需要 遵守 。

使用權 擁有權

近年 愈來愈多 公司 將 產品 變成 訂閱服務，例如 HP Inc. 推出 嘅 打印 服務（例如 HP All-In Plan）。 用戶 每月 交 月費，就可以 用 打印機 同 墨水，其實 部機 一直 都係 公司 嘅，用戶只係「用」，唔係真正「擁有」。月費 通常 已經 包咗 設備、墨水補充、運送 同 維修服務，對 部分 家庭 或者 細型 辦公室 嚟講，可以 減少 一次 過買機 嘅 開支，成本 亦 比較 容易 預算。

呢種 模式 亦反映 咗 消費文化 嘅 轉變。以前 買 一樣 嘢，就 代表 擁有 佢，可以 自己 決定 點用、幾時 用、甚至 用 幾多 年；但而家 愈來愈多 產品 變成 訂閱制，消費者 其實 只係 買咗「使用權」，唔再 係「擁有權」。 一旦 唔再 畀錢「訂閱」，就 冇得 用 服務，或 要 將 設備 還返 畀 公司。批評者 認為，長遠 嚟講 消費者 可能 會變得 更依賴 企業 嘅 服務，而且 總成本 未必 比 直接 買 產品 平 。

支持者 就 認為，訂閱模式 其實 只係 多個 選擇。對 唔想 一次過 畀錢 買設備、又想 有人 包維修 同 耗材管理 嘅 用戶 嚟講，呢種服務 反而 更加 方便。 如果 覺得 唔適合，市場上 其實 仍然 有傳統 買打印機 嘅 選擇；有啲 好貴 嘅 嘢，一次過 畀晒 未必 負擔 得起，訂閱模式 令 顧客 用到 好 矜貴 嘅 嘢 。

睇埋

• 圖書館做嘅資源採購
• 供會
• 月餅會
• 分期付款