語言群落
語言群落（粵拼：jyu5 jin4 kwan4 lok6）係社會語言學入面嘅基本概念，指一班人「有某啲共同嘅語言規範，對於點樣喺特定情境下用語言有共識」。簡單講，即係個群落裏便會有一種或多種語言或方言，而且個群落嘅人並且對點樣喺邊個場合講乜有共同理解[1]。
一個語言群落唔一定只講一種語言或方言，而係強調「語言用法」上面共通。
概論
[編輯]睇埋：社會語言學
例如廿世紀尾至廿一世紀初香港人可以被視為一個特別嘅語言群落，佢哋慣咗法定語言係「中文」[註 1]同埋英文，喺日常生活中大部分人都係以粵語做母語嘅，而且香港粵語有一啲獨特嘅發音、詞彙，有別於（例如）廣州粵語同澳門粵語，而除咗粵語之外，香港人通常亦具備一定嘅英文能力，特別係常見於教育、法律同商業場合。呢啲語言組合同用法組成香港人呢個語言群落，展現咗香港人嘅本地文化同身份[未記出處或冇根據]。
睇埋
[編輯]註釋
[編輯]引咗
[編輯]- ↑ Yule, G 2006, the study of language, third edition, Cambridge University press.
 |