「語言點分藍綠」係一條有關色名嘅問題。
有好多語言都傾向將藍當做綠嘅一種，例如青呢隻漢字就出嗮名定義含糊，有時用嚟指綠噉嘅色－例如係粵文詞彙青啤啤ceng1 bi1 bi1噉[1]；又例如廿一世紀初日本話入面漢字青（日羅：ao）可以指藍又可以指綠，搞到唔少日本人索性由英文嗰度借詞，用 guriin（片假名：グリーン，嚟自英文 green）嚟特指綠色[2]。
