說文解字注

《說文解字注》係唐字一書，用來解釋許慎寫嘅《說文解字》。本書係大清時段玉裁用咗卅幾年寫嘅，有卅卷。

起源

《說文解字》係漢時寫，到清時經已過千七年，當中有遺失，亦有後人修改，而文句亦可能抄錯。古時篆字，到後來楷字，都有唔同。《說文解字》解釋太短，亦都唔係咁易曉。漢以後有大唐李陽冰竄改，大唐徐鉉、徐鍇整理。

段玉裁係戴震弟子，而戴震就將古韻分九類廿五部嘅人，所以段玉裁亦精於古音研究，分古音十七部。佢校正《說文解字》，按《說文解字》體例、同大宋以前著作引《說文解字》字句，逐條改正。《說文解字注》到至嘉慶十二年（一八零七年），用咗卅多年寫好。嘉慶二十年（一八一五年）五月，《說文解字注》全書刻成。

評

王念孫有話，自許慎之後，「千七百年來無此作矣」。

《說文解字注》有缺點，段玉裁太自信，勇於改篆字從己，又無充分證據。馮桂芬曾著有《說文解字段注考正》，王紹蘭亦著有《說文解字段注訂補》。史學家唐德剛，喺大學時期，曾指出《說文解字注》有錯，文中「縣」解釋為「縣者懸也，懸于郡也」，而唐認「縣者懸也。懸而未决或懸而未封」，而非「懸于郡者也」。