調音方法

  呢篇文講語言學講嘅調音方法。想搵音樂講嘅調音方法嘅話，請睇調音同埋調音台。

呢段 MRI 短片入便個人喺度講英文。睇得出佢嘅脷同兩塊嘴脣係噉郁。

調音方法（粵拼：tiu4 jam1 fong1 faat3；英文：manner of articulation）係語音學同音系學成日提到嘅一個概念，最常用係攞嚟將輔音分類。一個人要發出語音嗰陣，空氣會經聲道流動再由口同鼻等噴出，途中「條脷嘅位置同郁動」等嘅多個變數會影響嗰一吓聲有乜特性，而調音方法簡單講就係反映緊啲發聲器有幾咁「收縮埋一齊」。

輔音

睇埋：調音部位同發聲語音學

用廿一世紀初粵語有嘅雙唇輔音做例子：

輔音	IPA	粵語例子	解說
雙唇鼻音	/m/	maa1（媽）	係一種雙唇音，發音嗰時會用到上下兩塊嘴唇阻斷空氣流動。
清雙唇破音	/p/	baa1（巴）	/p/ 都係一種雙唇音，不過調音方法就同 /m/ 唔同，/m/ 係一種鼻音，而 /p/ 就係一種塞音，鼻音涉及空氣由鼻嗰度自由噉噴出，而塞音就係成條聲道受到阻斷，令到空氣暫時完全停止流動。
清唇齒擦音	/f/	faa1（花）	屬於唇齒音，同時喺調音方法上係一種擦音，擦音指個輔音發出嗰陣時，發音人會有兩個發聲器靠得好埋組成一條狹窄通道，再迫空氣通過呢條通道，而喺 /f/ 當中「兩個發聲器」就係嘴唇同牙，所以叫唇齒嘅擦音。

啲人用圖表列出輔音嗰陣，通常係用打戙嗰條軸反映調音方法嘅。

睇埋

• 語音學
• 音系學
• 音系類型

外拎

• （英文） 2.1 How Humans Produce Speech. Essentials of Linguistics. Open Library.