謝向榮 (香港)

謝向榮，香港親中派教育界人士，香港能仁專上學院文學院院長兼生命教育中心主任。佢喺《星島日報》、《文匯報》有寫一啲文章。

謝向榮2014年隨能仁專上學院的成立，擔任該校中文系講師，數年後成為同系助理教授及副教授，約於2022年成為教授。2024年接替單周堯，成為文學院院長。

部分公職

• 香港中華文化發展聯合會（文聯會）執行委員
• 馮燊均國學基金會顧問

早年經歷

佢完成香港城市大學應用中文系副學士同埋中文系學士課程後曾經做過中學老師，再喺香港大學攞到碩士同博士學位，之後投身學術界。

政治立場

佢係香港親中派人士，亦喺多個親中、愛國團體擔任要職，參與唔少「愛國教育」活動，積極協助推動港府「愛國」教育工作，又喺香港中華文化促進中心嘅活動幫手做主講同埋主張香港全方位打造中外文化藝術交流中心。

爭議

佔領中環期間言論被批評

喺2014年「佔中」期間，佢除咗不斷喺Facebook批評示威者外，更曾發表「撐警」言論，形容警察混亂嘅時候「殺錯良民」無可避免，引來一啲同學嘅不認同。

以「做傻事」形容學童自殺被批評

佢曾經喺2024年10月25號一次公開活動入面以「做傻事」形容學童自殺，結果備受外界批評，其中香港大學防止自殺研究中心總監葉兆輝批評，標籤有自殺念頭者係「做傻事」，只會令呢啲學生更唔願尋求協助。生死教育工作者陳培興就批評，佢作為但係『生命教育學者』唔應該咁講嘢，而《年少日記》導演卓亦謙就話佢嘅言論增加他人自責感。

佢事隔兩日之後公開道歉，承認以「做傻事」、「輕生」形容自殺者有不當，但之後有人就揭發佢私下怪責傳媒，話傳媒扭曲佢講嘅嘢。