譚家浚

出自維基百科,自由嘅百科全書
跳去導覽 跳去搵嘢
譚家浚
Warren Tam Ka-chun
葵青區議會議員
任期
2020年1月1號-2021年7月11號
前任譚惠珍
繼任懸空
選區安灝
多數票2019年:5,642(59.57%)
個人資料
出世 (1991-06-03) 1991年6月3號(30歲)
Flag of Hong Kong (1959–1997).svg 英屬香港
國籍Flag of Hong Kong.svg 中國香港
政黨無黨籍 無黨籍
其他政黨公民黨 公民黨(去到2020年12月11號)
母校中華基督教會蒙民偉書院
香港浸會大學
嶺南大學
職業媒體創作者
網站譚家浚嘅Facebook頁

譚家浚英文Warren Tam Ka-chun[1]1991年6月3號—),香港中間派政治人,前公民黨成員,前香港葵青區議會安灝選區議員[2][3]

佢曾經做過香港立法會新界西選區地區直選議員郭家麒議員助理、香港浸會大學學生會前評議會主席,而家從事學術研究、媒體評論、媒體創作、數碼行銷等工作。佢本來係泛民主派成員,但喺2021年香港立法會選舉加入咗自稱中間派狄志遠嘅團隊[4]

生平[編輯]

大學時期[編輯]

譚家浚喺香港浸會大學人文學系畢業,讀書嘅時候曾經做過文學院學生會外務副會長、香港浸會大學學生會評議會主席、教務議會民選議員,曾參與反國教運動、李惠利地皮事件、校長遴選事件等,並且喺時事全方位等政評節目,同當區區議員就政策辯論。

泛民主派時期[編輯]

譚家浚做過香港立法會新界西議員郭家麒嘅助理、公民黨地區發展主任同埋葵青區議會增選委員[5]。之後,佢參加2019年區議會選舉,參選安灝選區議員,迎戰時任議員親中派經民聯譚惠珍,同區參選嘅仲有背景不明嘅吳家輝同埋蘇智誠。親中派喺2019年因為逆民意支持逃犯條例修訂草案,選情大受影響,加上譚惠珍喺2018年捲入葵青區議會撥款醜聞,被揭發推薦同自己有聯繫嘅組織申請撥款,涉事款項超過200萬元[6],當時係泛民主派嘅譚家浚亦因而勝出。

2019年葵青區議會安灝選區選舉結果
政黨 候選人 票數 % ±
經民聯 經民聯 ①. 譚惠珍 3,620 38.22 -14.89
公民黨 公民黨 ②. 譚家浚(當選) 5,642 59.57 不適用
獨立 ③. 吳家輝 59 0.62 不適用
獨立 ④. 蘇智誠 151 1.59 不適用
多數票 2022 21.35 不適用

喺勝出之後,佢曾經同其他泛民主派區議員就香港警察入侵理工大學校園事件入面,要求香港警察撤離香港理工大學,並容許各方進入香港理工大學嘅範圍進行人道救援[7],另外亦有關心性小眾議題[8]

佢喺2020年12月11號晚,宣布自己同另一公民黨成員冼豪輝退出公民黨[9],而因應香港政府以未經諮詢或香港人同意以實施嘅《港版國安法》要求區議員宣誓,引發香港民主派區議員辭職潮,佢喺2021年7月11號辭任區議員[10]

離開公民黨後[編輯]

喺2021年香港立法會選舉,由於選舉制度係喺北京未經諮詢或香港人同意之下強行修訂,又加入所謂嘅國家安全審查機制,所以好多泛民主派成員都選擇唔參與。不過,譚家浚同民主黨中委劉子傑合組嘅公司「GMENU」就協助自稱中間派嘅社福界候選人狄志遠進行選舉工程。當時公民黨前成員、沙田區前區議員黃文萱(黃文萱同譚家浚係前黨友)就批評佢哋無骨氣,又話同佢哋接觸過,但對佢哋回覆好失望。黃文萱又表明唔會再同佢合作[4]。另外,被政府剝奪資格,之後被逼流亡英國嘅前民主黨區議員郭天立,亦喺社交媒體貼咗一張名單點名批評一啲透過唔同型式參與呢次選舉嘅「自稱民主派」,其中譚家浚亦包括喺入面[11]。呢張名單之後得到其他民主派中人和應,包括梁頌恆[12]麥梓健[13]廖栢康[14]俞竣晞[15]等。

譚家浚當時就話只係洽談生意做設計工作,又話感到委屈[4][16],但喺第七屆立法會首次召開大會嗰陣,就有傳媒影到譚家浚企喺狄志遠旁邊[17]

參考[編輯]

  1. "Election Results Overall Results". 2019 District Council Election. 2019-11-25. 原先內容歸檔喺2020-01-02. 喺2019-12-30搵到.
  2. "譚家浚". 公民黨. 原先內容歸檔喺2020-08-07. 喺2020-09-19搵到.
  3. 葵青區議會議員資料
  4. 4.0 4.1 4.2 "民主派劉子傑、譚家浚公司為狄志遠助選 遭批「咁嘅錢就可以買到骨氣」 (12:15) - 20211103 - 港聞". 明報新聞網 - 即時新聞 instant news (中文). 喺2022-01-15搵到.
  5. "青衣站節日深宵接駁線 最快平安夜首航". 香港獨立媒體網. 原著喺2020-08-07歸檔. 喺2020-09-19搵到.
  6. "建制派區議員自己批自己 長安婦女會一年掠217萬公帑搞活動". 蘋果新聞. 原著喺2019-07-19歸檔. 喺2020-01-19搵到.
  7. "香港泛民主派大勝後..新科議員急赴理大救人、要求警方撤離". 民視新聞. 2019-11-25. 原著喺2020-08-07歸檔. 喺2020-01-19搵到.
  8. "世界不再恐同日.香港性小眾平權何去何從? | 譚家浚". 獨立媒體. 2021-05-17. 喺2022-01-15搵到.
  9. "【我們退黨了 民主自由路上再見】".
  10. "兩日逾70區議員辭職【附名單】(7月8日) (22:45) - 20210708 - 熱點". 明報新聞網 - 即時新聞 instant news (中文). 喺2022-01-15搵到.
  11. "【2021年 完善民主派名單】(持續更新)". Facebook (英文). 喺2022-01-15搵到.
  12. "梁頌恆". Facebook.
  13. "日久見人心系列". Facebook.
  14. "冇著褲名單". Facebook.
  15. "認住名單下的呢一批人,唔好再叫佢地做民主派,佢哋唔配。". Facebook.
  16. 文維廣 (2021-11-03). "民主派前區議員公司為狄志遠助選捱批 譚家浚稱委屈:非加入團隊". 香港01 (中文). 喺2022-01-15搵到.
  17. 吳倬安 (2022-01-12). "特首答問會|狄志遠無緣提問不感孤單 林健鋒激動於國徽下開會". 香港01 (中文). 喺2022-01-15搵到.