豉油雞

豉油雞

豉油雞係燒味嘅一種，主要材料係雞，會用多種調味料，包括薑、蔥、生抽（即豉油）、老抽、酒、冰糖、麥芽糖同油。

豉油雞以皮滑肉嫩，有豉油香係上品。豉油雞雖然歸類做燒味，不過唔係直接燒製，而係將成隻雞浸落調好味嘅油鍋中加熱而成。

有傳豉油雞係從桶子雞演變出來，而有啲燒味店嘅豉油雞會以「桶子油雞」名義出售。一般來講，會用唔太新鮮嘅雞做豉油雞，因為新鮮雞味甜，做白切雞最啱。