貂蟬

出自維基百科,自由嘅百科全書
跳去導覽 跳去搵嘢
貂蟬像

貂蟬中國古代四大美人其中一位,後世封佢做「閉月」,相傳係東漢末年嘅人。唔同其餘三位美人,正史上無提過佢個名,好有可能只係虛構人物,小說《三國演義》入面話佢係司徒王允婢女,而史書《三國志·呂布傳》提到呂布董卓嘅婢女私通,有啲人認為個婢女係貂蟬。元代戲曲錦雲堂暗定連環計》内話說佢係任昂個女,字紅昌,係忻州木耳村(卽後世忻州市東南嘅木芝村[1])人;貂蟬係管理冠冕服飾嘅官職,而曲中宮女掌貂蟬冠,所以叫紅昌做貂蟬。

歷史上,「貂蟬」指嘅係董卓嘅婢女,《三國志·呂布傳》提及「卓常使布守中閣,布與卓侍婢私通,恐事發覺,心不自安」,但正史《三國志》、《後漢書》等書中並未記錄個婢女個名。後世一啲典籍提到《漢書通志》記載咗「刁蟬」,但呢本書早已失傳,史實性已不可考,而家大多認為「貂蟬」係後世文人同董卓婢女所起嘅名,原先出現喺說書話本嘅故仔當中,最後由《三國演義》作者羅貫中整理創作出一個完整嘅形象。

參考[編輯]