費達拿

出自維基百科,自由嘅百科全書
費達拿
姓名原文Roger Federer
出世日1981年8月8號 喺Wikidata改呢個
出世地巴塞爾 喺Wikidata改呢個
國籍瑞士 喺Wikidata改呢個
居住地Bottmingen 喺Wikidata改呢個
幾高185 厘米 喺Wikidata改呢個
幾重85 千克 喺Wikidata改呢個
母語德文 喺Wikidata改呢個
通曉法文英文德文、瑞士德文 喺Wikidata改呢個
信奉天主教會 喺Wikidata改呢個
職業tennis player 喺Wikidata改呢個
運動網球 喺Wikidata改呢個
參加咗2004年夏季奧林匹克運動會2000年夏季奧林匹克運動會、tennis at the 2012 Summer Olympics – men's singles、tennis at the 2008 Summer Olympics – men's doubles、tennis at the 2000 Summer Olympics – men's singles 喺Wikidata改呢個
攞獎Swiss Sports Personality of the Year、L'Équipe Champion of Champions、BBC World Sport Star of the Year、Best International Athlete ESPY Award、ITF World Champions、honorary doctorate of the University of Basel、時代百大人物 喺Wikidata改呢個
出道1998年 喺Wikidata改呢個
擅長手one-handed forehand、one-handed backhand 喺Wikidata改呢個
單打記錄1251–275 喺Wikidata改呢個
雙打記錄131–93 喺Wikidata改呢個
球員資料職業網球聯合會 改維基數據
國際網球總會 改維基數據
台維斯盃 改維基數據
溫布頓網球錦標賽 改維基數據
僱主聯合國兒童基金會 喺Wikidata改呢個
配偶米爾卡費達拿 喺Wikidata改呢個
仔女Myla Federer、Charlene Federer、Leo Federer、Lennart Federer 喺Wikidata改呢個
阿爸Robert Federer 喺Wikidata改呢個
阿媽Lynette Federer 喺Wikidata改呢個
兄弟姊妹Dziana Federer 喺Wikidata改呢個
網站www.rogerfederer.com

費達拿Roger Federer1981年8月8號—)係前瑞士男子職業網球員,亦係310週世界第一男子網球員。佢喺瑞士巴素(Basel)附近嘅Binningen出世,身高6'1",體重177磅。喺媒體上有「瑞士快車」(Federer Express)嘅封號[未記出處或冇根據],喺中國,「費天王」、「奶牛」亦係佢嘅花名[未記出處或冇根據]

簡歷[編輯]

費達拿嘅阿爸 Robert 係瑞士人,阿媽 Lynette 係南非人。佢哋喺同一間製藥廠度做,喺一次生意差事中相識,之後結埋婚。費達拿重有一個大佢兩年嘅家姐 Diana,係一個護士。

費達拿嘅成長道路上嘅偶像係碧加(Boris Becker)同埋艾堡(Stefan Edberg)[未記出處或冇根據],之後最鐘意嘅球員係森柏斯(Pete Sampras)[未記出處或冇根據],呢啲都係單手反拍嘅球員。

喺語言方面,費達拿能夠講三種流利語言:德文(母語)、法文英文

喺2000年嘅悉尼夏季奧林匹克運動會,費達拿識咗女朋友米羅斯拉化·華蓮力 (Miroslava Vavrinec)。佢亦都係職業網球球員,喺2000年奧運會中同費達拿一齊代表瑞士參加網球項目。佢哋喺2009年4月結婚

2003年10月,費達拿開展以自己個名命名嘅男性化粧品事業。

2003年12月,費達拿晌南非成立費達拿基金會,幫助貧困兒童(主要喺阿媽嘅鄉下南非),以及促進世界青年體育嘅發展(主要係網球)。

2005年到2008年,費達拿連續四年得到「勞倫斯體育獎」年度最佳男子運動員。2007年4月,瑞士為佢發行郵票;瑞士好少為人物發行郵票,為在生嘅人發行郵票更加係少之又少,可見佢晌同胞心目中嘅超凡地位[未記出處或冇根據]

網球生涯[編輯]

右手攞拍嘅費達拿喺網球方面好有天份,職業生涯非常成功。佢喺1998年7月轉為職業球員,開始咗職業網球生涯,無幾耐就躋身世界排名頭100名。2004年2月2號,22歲嘅時候,費達拿第一次升上職業網球男子單打世界排名第一位,重一路保持到2008年8月。2007年2月26號打破美國名宿康納斯(Jimmy Connors)嘅連續160週世界第一紀錄。2005年勝出率達到0.9529(81勝4負),係自1984年麥根萊(John McEnroe)之後最高,亦係1968年公開賽年代以嚟第三最高。

費達拿適應泥地以外各種場地條件,係名副其實嘅網壇「統治者」,因此幾乎係所有比賽嘅冠軍大熱門。2008年費達拿因病毒感染,喺年初嘅澳網出局後,成年狀態跌落谷底,更喺嗰年冇咗世界排名第一,61場草地連贏嘅記錄亦喺溫布頓決賽輸畀拿度而告終。

但「費天王」喺2009年捲土重來,先喺法網封王,成為史上第6位球員完成生涯大滿貫,相隔一個月再重奪溫布頓,成為史上奪得最多大滿貫嘅球員,更重奪世界第一並維持到球季完,成為史上第二個可以重奪世界第一嘅球員。

早期[編輯]

費達拿三歲嗰時,跟父母去網球俱樂部,因而第一次接觸到網球。到八歲,佢開始喺屋企附近嘅老男孩網球俱樂部(係泥地球場)打波。佢喺返學期間同時參加咗網球同埋足球兩項運動,兩方面都表現得非常好,但到咗十一、十二歲,不得不從中揀一樣,佢選擇咗網球。喺十四歲嗰陣時,費達拿入咗瑞士國家網球中心接受訓練。但係,為咗能夠更專心練網球,費達拿喺十六歲嗰陣時就決定唔再返學。

費達拿早年(1992年1998年)嘅教練 — 澳洲嘅彼得‧卡達(Peter Carter,1964年8月9號 - 2002年8月1號)同佢關係非常密切。

費達拿專心打波之後,1998年,登上青少年世界排名第一。喺嗰年嘅澳洲網球公開賽青少年組晉身準決賽。同一年贏咗溫布頓網球錦標賽青少年組嘅男單同埋男雙冠軍。又係同年喺美國網球公開賽青少年組殺入決賽,決賽輸畀阿根廷球員納爾班迪安(David Nalbandian)。同年,喺邁阿密橙碗比賽,亦係佢自己嘅網球青少年時期嘅最後一場比賽之中,贏咗阿根廷球員哥里亞(Guillermo Coria)奪得冠軍,並且以青少年世界排名第一結束。

大滿貫賽事成就[編輯]

費達拿喺2005年溫布頓網球錦標賽
男單桂冠(20)
澳洲 法國 溫布頓 美國
2003
2004
2005
2006
2007
2008
2009
2010
2011
2012
2013
2014
2015
2016
2017
2018
2019
男單亞軍(11)
澳洲 法國 溫布頓 美國
2003
2004
2005
2006
2007
2008
2009
2010
2011
2012
2013
2014
2015
2016
2017
2018
2019
  • 2001年溫布頓網球錦標賽第四圈 7-6、5-7、6-4、6-7、7-5 擊敗1990年代嘅美國名宿森柏斯(係兩人職業生涯唯一一次交鋒),破壞後者晌英國嘅31連勝紀錄,一鳴驚人,堪稱佢事業上最大勝利。後來晌八強以四盤輸畀英國球員漢文
  • 2003年以21歲之年贏咗個人嘅第一個大滿貫錦標 — 溫布頓網球錦標賽冠軍,決賽贏澳洲球員菲臘普西斯(Mark Philippoussis)7-65、6-2、7-63
  • 2004年喺四大滿貫男單賽事中贏咗三個冠軍,係自1988年瑞典韋蘭特(Mats Wilander)以嚟,第一個晌單季中贏到三個大滿貫男子單打冠軍嘅球員,亦係公開賽年代以嚟嘅第四位球員
  • 2006年澳網贏到冠軍,係連續第三個大滿貫賽冠軍成為佢嘅囊中物,係繼1993年溫網至1994年澳網嘅森柏斯之後嘅第一人
  • 晌個人生涯嘅頭七個大滿貫單打決賽都贏得男子單打冠軍(2003年溫網 - 2006年澳網),係自公開賽年代以嚟第一人,紀錄到2006年法網決賽輸畀西班牙球員拿度(Rafael Nadal)6-1、1-6、4-6、64-7先至完
  • 2006年美網贏到冠軍,實現美網三連冠,平咗麥根萊(1979年到1981年)同蘭度(Ivan Lendl)(1985年1987年)嘅紀錄,重有望晌下一屆打破呢項紀錄
  • 2006年一年之內打入晒所有四項大滿貫男單賽事嘅決賽,係自1969年澳洲嘅傳奇名將洛利華(Rod Laver)之後嘅第一人
  • 2006年繼2004年之後再一次一季之內贏咗三個大滿貫男單賽事冠軍,係公開賽年代以嚟唯一一個兩次攞到呢個成就嘅球員
  • 2007年澳網不失一盤贏到冠軍(決賽贏智利球員干沙里斯(Fernando Gonzalez)7-62、6-4、6-4,贏得佢第十個大滿貫),平咗瑞典名宿比約·波格(Bjorn Borg)晌1980年法網上創造嘅「完勝」奪冠記錄;同時亦係個人第二次連贏三個大滿貫錦標
  • 2007年澳網贏到冠軍之後,成為第一個晌三個大滿貫賽事都贏過最少三次嘅男子網球員
  • 2007年溫網決賽苦戰五盤打贏宿敵拿度,實現自比約·波格(1976年到1980年)以嚟第一個溫網五連冠。
  • 2007年美網決賽三盤打贏塞爾維亞祖高域7-64、7-62、6-4,係自公開賽年代以嚟第一個美網四連冠;亦都成就佢個人繼2004年、2006年之後第三次一季之內贏咗三個大滿貫男單賽事冠軍。
  • 由2005年溫網至2007年美網從未缺席過大滿貫男單賽事嘅決賽,係連續十次晉級大滿貫嘅決賽,打破1973年之前Jack Crawford保持嘅七次紀錄,其間只係輸咗兩個法網冠軍(2006、2007),到2008年澳網四強俾祖高域以 5-7、3-6、65-7 打敗先至斷纜。
  • 2008年法國公開賽輸畀拿度,再喺大會將塊草皮剪到丁咁短之下輸埋溫布頓同第一排名畀拿度,係近年事業低潮。直到年底先贏返個美網,係自公開賽年代以嚟第一個美網五連冠。
  • 2009年法網決賽三盤打贏爆冷淘汰拿度嘅瑞典球員羅賓蘇達寧,第一次攞冠軍,做咗「滿貫王」。
  • 2009年溫網決賽用咗256分鐘,苦戰五盤以 5-7、7-66、7-65、3-6、16-14 打贏美國嘅羅迪克(Andy Roddick),第六次攞到男單冠軍。呢次係佢連續第二十一次晉級大滿貫至少四強(由2004年溫網開始,成績是13冠、5亞、3四強)、連續第七次晉級溫網男單決賽(由2003年開始),並歷史性第二十次打入大滿貫男單決賽(超越蘭度)、歷史性贏咗個人第十五個大滿貫男單錦標(超越森柏斯)(其餘五次大滿貫亞軍都係輸畀拿度——拿度兩次攞到大滿貫亞軍,兩次都係輸畀費達拿);同時響拿度手上重奪返失落咗四十六個星期嘅世界排名第一寶座。
  • 2009年美網連續第二十二次晉級大滿貫至少四強、連續第六次晉級美網男單決賽(由2004年開始),並第二十一次打入大滿貫男單決賽,最終以五盤 6-3、65-7、6-4、64-7、2-6 輸畀阿根廷球員德爾波特羅(Juan Martin Del Potro)得到亞軍,美網六連冠夢碎。德爾波特羅係第二個可以晌大滿貫賽事男單決賽打敗費達拿嘅球員,亦成為第一個可以晌同一個大滿貫賽事連續打敗拿度同費達拿嘅球員。
  • 2012年溫網四強打贏當時世界排第一嘅祖高域,殺入決賽對東道主球員梅利,最後以4-6、7-65、6-3、6-4反勝,平森柏斯紀錄喺溫網七度封王(但係森柏斯喺溫網男單決賽勝率係七戰七勝,而佢只係八戰七勝),亦破森柏斯紀錄攞到個人第17個大滿貫錦標。佢更加以30歲零335日之齡,成為自2003年阿加斯贏澳網之後首名以30歲或以上年紀贏大滿貫男單嘅球員。決賽之後一日公布嘅男單世界排名,費達拿正式由祖高域手中搶返第一位置,而佢做「一哥」嘅週數亦都平咗紀錄(285週),意味佢亦將成為佔據世界第一最多週數嘅球員。

出面網頁[編輯]