賀陽宮邦憲王

出自維基百科,自由嘅百科全書
跳去導覽 跳去搵嘢
賀陽宮邦憲王

賀陽宮邦憲王(日文:かやのみや くにのりおう 、1867年7月2號1909年12月8號)係伊勢神宮前祭主,同時係賀陽宮第一代當主,出世名巖磨,乳名巖宮,係久邇宮朝彥親王二仔,上皇明仁嘅伯公。

經歷[編輯]

邦憲王響1867年出世,係朝彥親王二仔(上有一個大佬武智宮,但早死),阿媽係妾侍泉亭靜枝子,嗰時老豆改佢個名叫巖磨。

響1874年,巖磨獲封為「王」。響1886年,巖磨改名叫邦憲。由於大佬武智宮早喺1865年夭折,所以佢係實際大仔,絕對可以繼承久邇宮當主一位。但係最後,邦憲將久邇宮繼承人呢個位讓畀細佬邦彥王

1891年,老豆朝彥親王過身。由於久邇宮當主一位讓畀細佬邦彥王,所以邦憲王同明治天皇申請另起一個宮家。明治天皇響1892年批淮邦憲王呢個申請,賜咗一個宮號叫「賀陽宮」。第二日,邦憲王選擇咗侯爵醍醐忠順後醍醐天皇個後代)個女醍醐好子做老婆。

響1895年,邦憲王擔任伊勢神宮祭主。1903年,佢獲勳為大勳位菊花大綬章。響1909年,邦憲王因腸道狹窄導致發病而過身,終年42歲。

屋企[編輯]

老豆:久邇宮朝彥親王

阿媽:泉亭靜枝子

兄弟:二細佬邦彥王----三細佬守正王----四細佬多嘉王----五細佬暢王----六細佬冇名(夭折)----七細佬鳩彥王----八細佬稔彥王

老婆:醍醐好子

仔女[編輯]