赫捷臣

出自維基百科,自由嘅百科全書
跳去導覽 跳去搵嘢
Soccerball.svg 赫捷臣 Soccerball.svg
Tommy Hutchison.jpg
出世日1947年9月22號 喺Wikidata改呢個
出世地Cardenden 喺Wikidata改呢個
國籍英國 喺Wikidata改呢個
幾高183 厘米 喺Wikidata改呢個
通曉英文 喺Wikidata改呢個
職業足球員、association football manager 喺Wikidata改呢個
運動足球 喺Wikidata改呢個
隊入面位置中場 喺Wikidata改呢個
所屬嘅運動隊史雲斯城足球會般尼足球會、Bulova SA、曼城足球會黑池足球會、Alloa Athletic F.C.、Merthyr Tydfil F.C.、高雲地利城足球會、Seattle Sounders、蘇格蘭足球代表隊 喺Wikidata改呢個
參加咗1974年FIFA世界盃 喺Wikidata改呢個

赫捷臣英文Tommy Hutchison1947年9月22號—)係蘇格蘭足球員,喺快富嘅Cardenden鎮出世。

佢職業生涯嘅係亞勞亞會開始。1968年2月佢加盟由Stan Mortensen執教嘅黑池,當時佢嘅轉會費略略超過£10,000。佢第一次代表黑池上陣就係 3月30號對普利茅夫場波,代替Graham Oates打左翼。呢季積極爭升班嘅黑池喺季尾九場波贏咗成八場,雖然打埋最後一場僅僅升唔到班,不過赫捷臣嘅出色表現已經贏盡讚賞。

Bob Stokoe後來取代Stan Mortensen成為球會領隊,佢認為赫捷臣嘅傳中能力比較弱,所以特別加強咗佢喺呢方面嘅訓練。

1972年高雲地利城出咗現金£140,000 加埋Billy Rafferty嚟同赫捷臣交換。赫捷臣簽咗呢支中部球會後踢咗八年波,打咗355場,入咗30球。

1980年赫捷臣轉會曼城,轉會費係£47,000。1981年5月足總盃決賽佢頂入一球打開紀錄,但係都入咗球烏龍波,令熱刺以1-1迫和曼城。佢係第二個喺一場足總盃決賽兩邊都入過波嘅球員,第一個係查爾頓嘅 Bert Turner,佢喺1946年4月嘅足總盃決賽對打吡郡,幫咗自己隊波入咗一球亦都擺咗一球烏龍。

赫捷臣後來效力過香港嘅寶路華同埋美國嘅Seattle Sounders,1983年返英國轉投般尼,再喺1985年轉投史雲斯,並且喺球會清盤後做過6個月領隊。佢喺1991年3月代表史雲斯對修安聯,以43歲5個月零19日創下史雲斯最高齡上陣球員紀錄。1987年,喺佢效力史雲斯期間,曾經以外借身份返過黑池,踢咗6場波。

國際賽生涯[編輯]

赫捷臣代表蘇格蘭踢過17場國際賽,打過1974年世界盃

1978年,佢冇入選蘇格蘭世界盃大軍,令好多人大跌眼鏡,事實上當時係佢嘅事業高峰期,效力緊英格蘭頂級聯賽球會高雲地利城。另外,佢喺高雲地利城嘅隊友兼攻擊拍擋伊恩華萊士亦都冇入選。好多蘇格蘭擁躉都話唔選佢哋兩個唔合理,佢哋話領隊雅利麥理昂嘅前線靠晒杜格利殊雅治甘美爾,後備前鋒都唔多個,好多人話如果選埋赫捷臣同華萊士,蘇格蘭大有機會喺分組賽出線。

退休[編輯]

赫捷臣喺43歲嗰年喺聯賽球會退役,加盟非聯賽球會Merthyr Tydfil。佢到而家仍然住喺威爾斯南部,做緊布里斯托城隊嘅足球發展主任。有一次喺高雲地利城報紙Coventry Evening Telegraph發起嘅投票,選咗赫捷臣為高雲地利城喺甲組時代最受歡迎球星。