超強颱風

出自維基百科,自由嘅百科全書
  想搵第二個意思嘅話,請睇超強颱風 (電影)
香港天文台熱帶氣旋等級
等級 風速
超強颱風 ≥100
≥185公里每小時
強颱風 81–99
150–184公里每小時
颱風 64–80
118–149公里每小時
強烈熱帶風暴 48–63
88–117公里每小時
熱帶風暴 34–47
63–87公里每小時
熱帶低氣壓 22–33
41–62公里每小時

超強颱風超級颱風或者超級強烈颱風英文Super Typhoon香港天文台簡寫SuperT.中國氣象局簡寫SuperTY,美國聯合颱風警報中心簡寫STY),係西北太平洋熱帶氣旋最猛烈嘅分級。呢級唔係世界氣象組織嘅建議分級,但係唔少官方氣象部門都有設立呢級,不過下限定義就唔同,最低嘅接近中心最高持續風速係每小時160公里,最高嘅就係每小時240公里。

簡介[編輯]

呢個級別喺香港天文台同中國國家氣象中心嘅分級入面都叫做「超強颱風」,定義係熱帶氣旋接近中心最高持續風速達到每小時185公里以上,唯一分別係香港天文台用10分鐘平均風速嚟計,中國國家氣象中心就用2分鐘平均風速;菲律賓大氣地球物理和天文服務管理局都叫「超強颱風」,不過定義係風暴接近中心最高持續風速達到每小時220公里以上,計10分鐘平均風速;至於大韓民國氣象廳嘅「超強颱風」定義就係每小時160公里以上;而喺聯合颱風警報中心,以及1991年之前中華民國交通部中央氣象局嘅熱帶氣旋分級入面,分別叫做「超級颱風」同「超級強烈颱風」,定義中心附近持續風力係每小時130海里以上(即係每小時240公里以上),但係用1分鐘平均風速去計。

「超強颱風」係中國國家氣象中心喺2005年11月開始用嘅分級,用嚟分別颱風級熱帶氣旋嘅最強級數。香港天文台喺2009年轉用新嘅熱帶氣旋分級制,都加入咗呢個分級。