越南船民

越南船民

越南船民（越南文：Thuyền nhân Việt Nam／船人越南^?）係指喺越南勞動黨（依家越南共產黨）嘅政權統一越南之後，出於對共產政權恐懼而搭船離開越南逃難嘅難民。難民曾經大量湧入香港，一度做成香港越南難民問題。

早期嘅船民主要係南越人，大部分係越南華裔，到1980年代嚟自北越嘅「經濟難民」亦開始湧現。

好多時船民就算成功離開越南海岸，喺茫茫大海入面仍然需要面對惡劣天氣、疾病、饑餓同海盜嘅威脅。聯合國難民署曾經估計大約有20至40萬名逃離越南嘅難民死喺海度。另外，喺1970同80年代試圖逃離越南但係畀越南政府捉到嘅人可以被當成叛國者送入監獄。

而喺1970至1990年代，馬來西亞政府亦曾經收容好多越南難民，呢啲越南難民曾經喺90年代，喺吉隆坡新街場嘅難民營曾經爆發幾次騷動事件。