趙桓

出自維基百科,自由嘅百科全書
跳去導覽 跳去搵嘢
趙桓畫像

趙桓1100年5月23號1161年6月14號),本名趙亶,係北宋第九個皇帝1126年1127年在位,跟廟號宋欽宗

1115年,宋徽宗立趙桓做皇太子。1125年,金軍入侵北宋。宋徽宗將個皇帝位讓咗畀趙桓,趙桓做咗皇帝,就係宋欽宗,改元靖康。金軍得東路軍去到開封城外,西路軍攻唔陷太原落唔到嚟,東路軍於是退兵。之後金軍再次南下,太原失守,東西兩路金軍會合,開封畀金軍包圍,最後畀金軍攻入,欽宗同徽宗都畀金軍捉咗,金軍立張邦昌做楚帝之後撤軍,押走欽宗同徽宗返番北面。除咗北宋最後兩位皇帝之外,開封仲有好多人都畀金軍捉走,後世就稱之為「靖康之難」。當時北宋大部分地方都冇畀金軍佔領,徽宗另一個仔趙構喺應天府(今日嘅商丘)稱帝,就係宋高宗。