震蛋

一個有線嘅震蛋

震蛋，又叫跳蛋，係一種性玩具，會劇烈震動，因為體積細細，可以成個放入陰道，亦可以用嚟刺激陰蒂、乳頭或者龜頭，提升性慾，達到高潮。

喺明清小說入面提到嘅勉鈴，可能係古代版本嘅震蛋或者陰道球。

使用須知

震蛋有一個蛋形嘅部分，有啲有線、有啲係無線嘅；無線震蛋通常會有條細繩，用完之後可以拉住條細繩，將跳蛋由陰道或者肛門度拎返出嚟，否則有機會卡住入面。

卡住入面嘅情況通常分為：

• 死卡：通常喺激烈性愛過程中比較容易發生，需要即刻求醫，否則傷害輕則影響器官功能，重則可能影響生育能力。

• 活卡：通常加啲潤滑油之後，輕輕咁樣就可以攞返出嚟。