轉錄

出自維基百科,自由嘅百科全書
跳去: 定向搵嘢
mRNA合成及加工簡圖,酵素冇寫低,英文待翻譯。

轉錄係指基因表達嗰陣細胞將DNA變成mRNA嘅過程。轉錄係基因表達嘅第一步,喺呢度,RNA聚合酵素將特定嘅基因片段複製成RNA分子。DNA同RNA都係核酸分子,佢哋通過一種互補語言,借助對應嘅酵素嚟互相轉化。係轉錄嗰陣,RNA聚合酵素讀取DNA序列,複製出一條互補嘅,反向平衡嘅RNA分子。同DNA複製唔同嘅係,轉錄產生一條互補嘅RNA分子,呢條分子含有尿嘧啶(U),而DNA就含有胸腺嘧啶(T)。重有,同DNA複製唔同嘅係,轉錄唔需要一段引物嚟初始化RNA嘅合成。

  1. 一個或者幾個色格瑪因子幫助RNA聚合酵素黐喺DNA嘅促進子嗰度,因而完成轉錄嘅初始化。
  2. RNA聚合酵素好似個拉鏈頭噉沿著DNA分子上邊嘅轉錄泡移動,打破DNA互補鹼基上邊嘅氫鍵,將DNA雙螺旋分成兩條單獨嘅鹼基鏈。
  3. RNA聚合酵素將同DNA鹼基配對嘅RNA鹼基加喺DNA鹼基單鏈上邊。
  4. RNA聚合酵素協助RNA尾龍骨連埋一齊,形成RNA單鏈。
  5. RNA + DNA螺旋結構嘅氫鍵斷裂,釋放出新合成嘅RNA單鏈。
  6. 如果係真核生物,RNA會被進一步處理(加3'UTR 多-A 尾同埋戴5'UTR 帽),之後通過核窿出去細胞質嗰度。

轉錄係基因表達嘅第一步。被轉錄成RNA分子嘅DNA片段叫做轉錄單元,佢至少編碼一個基因。如果嗰個基因係編碼蛋白質嘅話,轉錄嘅產物會係信使RNA,即mRNA,而信使RNA會繼續通過轉譯嘅過程產生蛋白質。另外,轉錄咗嘅基因有可能唔係編碼蛋白質嘅,佢哋可能係用嚟編碼核糖體RNA或者轉運RNA,又或者核糖酵素等等 [1]

參考[編輯]

  1. Eldra P. Solomon, Linda R. Berg, Diana W. Martin. Biology, 8th Edition, International Student Edition. Thomson Brooks/Cole. ISBN 978-0-495-30978-8