追究警暴集會

追究警暴集會

追究警暴集會係2019年10月27號一次反逃犯條例修訂集會，喺尖沙嘴梳士巴利花園搞。集會主題除咗「追究警暴」之外，其他主題包括「連繫穆斯林」、「守護民眾」同埋「與記者同行」。集會宣稱係「宗教集會」，無申請「不反對通知書」。集會估計有約一千人參加，但係集會未正式開始過，就畀警方用催淚彈同胡椒噴霧清場，之後示威者四散到其他地區（主要係旺角），引發更多衝突。