通感

  提示：呢篇文講嘅唔係聯覺。

喺文學，通感（粵拼：tung1 gam2），又叫移覺（粵拼：ji4 gok3），係種修辭手法，即係指將本來用嚟形容一種感官嘅詞語，轉到用嚟形容另一個感官。視覺、聽覺、嗅覺、味覺、觸覺，甚至係其他唔同嘅感官，都可以用通感互通。通感可以理解為將人嘅感官互相溝通同交錯。

通感可以透過變換感受角度，嚟描述事物的性狀和情貌，令到意象更為活潑、新奇。

例句

• 視覺通聽覺：

  「好一團波濤洶湧大合唱的紫色。」周夢蝶《牽牛花》

  → 粵化：「好一團波濤洶湧大合唱嘅紫色。」

• 聽覺通嗅覺：

  「微風過處，送來縷縷清香，彷彿遠處高樓上緲茫的歌聲似的。」朱自清《荷塘月色》

  → 粵化：「微風過處，送嚟縷縷清香，彷彿好似遠處高樓上緲茫嘅歌聲噉。」

• 聽覺通觸覺：

  「三粒苦松子，沿著路標一直滾到我的腳前，伸手抓起，竟是一把鳥聲。」洛夫《隨雨聲入山而不見雨》

  → 粵化：「三粒苦松子，沿住路標一路轆到嚟我隻腳前，伸手攞起，竟然係一把雀聲。」

睇埋

• 意象
• 感官