造鞋

（設計對白）師傅「 唔好成日諗住搵錢，俾心機做鞋啦。」

（設計對白) 學師仔喺度諗「究竟擦鞋、補鞋、造鞋，邊樣先搵多啲錢呢？」

造鞋就係整鞋嘅過程，簡單講就係點樣由零開始整出一對鞋。以前啲鞋係一對對咁手工整出嚟。通常係幾個鞋匠合作整嘅。

十八世紀嗰陣，好多師傅、學師同工人，一齊喺工場做鞋。大家分工合作。一個客人入嚟量腳，最快第二日就攞到新鞋 。當時一對鞋嘅價錢，大約等於普通工人做一日嘢嘅工錢 。

嗰陣鞋業好盛，但到十九世紀工業化之後開始受影響。 依家大量生產取代咗傳統手造 。不過，手工鞋嘅品質、細節同工藝都仲有佢嘅價值。今日大部分鞋都係用機器大量生產。要係用舊方法度身訂造一對鞋，價錢可以上到幾千美金 。

鞋匠整嘅種類好多，有鞋、靴、涼鞋、木屐、仲有鹿皮鞋（Moccasins）。材料通常係皮、木頭、膠、麻或者植物纖維。鞋底通常用幾層結構整，更耐着，仲要縫上皮面。

補鞋，係修補爛咗嘅鞋嘅一種服務。呢種生意可以係檔口仔，亦可以係鋪頭，仲可能係加盟連鎖經營。補鞋師傅以前係師徒制出身嘅，而家嘅係加盟投資者受訓嘅。

嗌法

造鞋嘅人，師傅級定係學徒初哥都嗌做鞋匠或整鞋佬，而有男有女。

英文，做鞋呢行包括「cordwainer」同「cobbler」；造鞋叫「cordwainer」，唔係「cobbler」，後者主要係幫人整鞋唔係造鞋。以前「cobbler」呢個字係負面意思，指啲人唔識造鞋。到十八世紀，後來就變成專指幫人補鞋但唔識造鞋嘅人 。

造法

古時

Moccasins style 嘅鞋

唔同古代文化入面，做鞋方法同材料其實好睇環境。重點唔係時尚，而係天氣、地形同日常用途。

喺北美森林地區，好似北美原住民，佢哋整 Moccasins 多數用鹿皮。做法好簡單，一塊皮包住隻腳，再用動物筋縫。鞋底好軟，行路冇聲，方便打獵。不過唔算耐用，但壞咗可以再整，重點係靈活同貼地感。

去到熱又乾嘅地方，好似古埃及，人哋多數著涼鞋。用草或者紙莎草（papyrus）編鞋底 ，有錢人先用皮。設計好簡單，幾條帶固定就夠。最重要係透氣同涼快，唔會焗住隻腳。

相反，喺極凍地方，好似 Inuit，鞋就完全唔同。佢哋用海豹皮或者鹿皮整靴，仲會將毛向內保暖。縫得好密，防水防雪。呢度最重要係保暖同乾爽，唔係外觀。喺比較有組織嘅社會，例如古羅馬，鞋開始有分工同用途。羅馬士兵著嘅涼鞋，用厚皮底，加鐵釘，行長路都頂得住。重點係耐用同防滑，配合行軍需要 。

而喺古代中國，就多數用布、麻、草做鞋。鞋底一層層縫上去，輕身又舒服。適合日常生活同農作。之後仲會加啲刺繡，開始有少少裝飾性。

古代做鞋都係就地取材 同 解決實際問題。森林要靜，沙漠要涼，雪地要暖，行軍要耐用。全部都係因應環境去變。

近代

傳統步驟

鞋底

• 先度腳＋諗款：師傅幫你度腳，順便諗下做咩款、咩style
• 整鞋楦：用木整個腳形模（鞋楦），跟你隻腳 size 嚟做
• 畫紙樣＋裁皮：畫好紙樣，跟住用嚟 cut 皮
• 車鞋面：將啲皮車埋一齊，變成鞋面
• 上楦（拉鞋）：將鞋面拉落個鞋楦度，整返個形出嚟
• 做鞋底：加鞋墊、鞋底，有啲會人手縫（好高級嗰種）
• 整鞋踭：一層層疊上去再磨靚佢

• 

  鞋楦

  執靚：修邊、上色、拋光，整到靚仔為止
• 脫楦：將隻鞋由個模度拎返出嚟
• 最後 check：睇下啱唔啱著、有冇問題

工業革命之後

• 由「一個師傅做晒」變「分工合作」：以前一個人包辦全部，而家拆開幾個工序，每人做一 part
• 機器開始出現：好似縫紉機、壓皮機，唔使全部靠人手，快好多
• 工廠模式：唔再係細鋪仔做，變成入工廠，大量生產
• 標準尺寸：唔再全部度身訂造，開始有固定 size（36、37、38嗰啲）
• 材料統一化：皮料、鞋底用料開始統一，方便大量製作
• 成本變平：因為做得快又多，鞋唔再係有錢人先買得起
• 技術要求改變：唔再需要一個人識晒全部手藝，但要識操作機器
• 城市化影響：工廠多咗，工人集中喺城市做鞋
• 款式變多：因為可以大量生產，不同設計更容易推出
• 傳統手工減少：手工鞋仲有，但變咗高級、少量製作嗰種

家陣最尖端

• 電腦設計（CAD）：用電腦畫鞋款，改 size 改樣超快，唔使再手畫
• 3D 掃描腳型：用 scanner 掃隻腳，做到更準確嘅 fit（有啲品牌仲做到半訂製）
• 自動裁皮：用雷射／電腦控制機器 cut 材料，又準又少浪費
• 機械化生產線：大部分工序（縫、壓、貼）都由機器完成，人主要做監控
• 3D 打印技術：有啲鞋底甚至成對鞋可以直接print出嚟（特別係運動鞋）
• 新材料：用輕量泡棉、環保物料、再生塑膠（唔再淨係靠皮）
• 黏合技術進步：好多鞋唔再縫，用高科技膠水＋熱壓黏合
• 全球化製造：設計喺一個地方，生產喺另一個國家，成本更低
• 快時尚模式：由設計到上架可以好快，幾星期內搞掂
• 智能化＋數據：用數據分析潮流、銷量，決定出咩款，甚至自動補貨

環保

增材製造（Additive manufacturing） 改變緊製鞋方式，令生產更環保同可循環；唔用膠水，卡埋設計方便拆開、維修同回收，減少浪費，亦簡化製造流程。同時，新材料帶來更多可持續設計嘅可能；變化格仔結構（variable lattice structures）令鞋更加輕，重量減少 34%，亦更有彈性；演算法可以調整唔同位置嘅結構，提升舒適度同表現 。未來鞋款會更輕，同更加個人化。

睇埋

• 擦鞋
• 整鞋師傅