過度旅遊
根據聯合國世界旅遊組織（UNWTO, 2018）嘅定義，過度旅遊（Overtourism）係「旅遊對目的地或其部分地區的影響，以過度負面的方式，影響市民的感知生活質量（Perceived Quality of Life）和／或遊客體驗質量」。[1]
影響
[編輯]過度旅遊會造成社會衝突同唔平等，[1]仲會令非法勞工同各種非法商業活動增加，[2]亦都會影響環境生態。[1]
遊客數量急劇增加會令公共空間好逼同唔足夠，導致“旅遊投機、場所感消失同遊憩素質下降、地方歸屬及社會文化聯繫斷裂“，亦都會造成遊客同嗰度居民嘅衝突，令居民覺得旅遊發展令佢哋嘅權利被剝奪，有”幻滅的感覺“。[1]
當地嘅社群亦都會覺得外來企業搶走咗本來屬於嗰度嘅收入，賺咗錢就匯翻去第二度。旅遊利潤嘅分配亦都會造成不均。[1]
為咗迎合遊客喜好，地方文化習俗可能會用咗嚟娛樂遊客，造成文化剝削同退化。為咗迎合遊客喜好，生態旅遊亦都可能會俾過多嘅遊客入去敏感脆弱地區。[1]
遊客對物種同環境嘅商品化仲會影響物種本來嘅價值。例如，臺灣牛樟成品往往好受遊客歡迎，但係就價值遠遠低於該生物存在係本來地方嘅效益；物種或者部落文化亦都會因為商品化而將公共財產私有化，同埋將社區變做旅遊目的地。[1]
另外因為旅遊需求，地方會起新設施，譬如開多啲停車場，整闊啲路，升級住宿餐飲設施，呢啲開發行為同地方整體發展有可能唔相關，但係就帶嚟污染、大量人潮、交通擠塞、同埋垃圾，甚至影響當地人本來有嘅權利。[1]
睇埋
[編輯]文獻
[編輯]- 泰國擬將外國遊客免簽證停留期減半至30日-冀打擊非法商業活動
- 過度旅遊擠壓生存空間 西班牙加那利島居民示威
- 《旅遊導論》，高中旅遊與款待科課程（中四至中六）學與教資源 ，教育局課程發展處個人、社會及人文教育組出版；頁168-195