達文西

達文西晚年嘅自畫像

達文西（Leonardo di ser Piero da Vinci，1452年 4月15號—1519年 5月2號），又譯做達芬奇，係意大利文藝復興時嘅羅馬天主敎徒，有無限嘅好奇心同發明精神，以至佢建築、解剖、雕刻、工程、發明、幾何、音樂、繪畫樣樣皆精。佢亦被譽為當時最出色嘅畫家。

達文西除咗畫功之外，佢喺科學方面都好有天分。佢成功畫咗人體解剖圖，並且按住解剖圖設計咗機械人。佢同時設計咗好多建築物同各種先進工具，但係喺佢過身嗰一刻，大部份設計都冇人落實去製造。而佢嘅設計大部分都收錄喺佢嘅畫冊入面。

生平[編輯]

達文西喺托斯卡尼一條小村出世。由於佢係一個佛羅倫斯有錢人同一個農婦所生嘅私生子，所以佢係冇姓氏嘅。達文西（da Vinci）嘅意思只係『喺文西度嚟』咁解而唔係佢嘅姓氏。

1460年中期佢哋成家搬咗去翡冷翠。達文西喺嗰度接受咗當時意大利地區最好嘅教育。大概1466年，佢去咗一個出名嘅畫家 ——韋羅基奧嘅畫室學畫。

1519年5月2號，達文西死喺法國ClosLucé，享年67。