郭伯偉

郭伯偉爵士（Sir John James Cowperthwaite，KBE，CMG，JP，1915年4月25日－2006年1月21日）係英國殖民地官員，喺1961年至1971年間出任香港財政司。佢任內大力推行「自由放任」政策，不但維持低稅制，仲盡量減少政府對市場嘅干預。呢種經濟哲學成為之後香港政府「積極不干預主義」、審慎理財同自由市場政策嘅基礎，令香港經濟喺七、八十年代能夠迅速起飛。由1970年開始，加拿大費沙爾學會（Fraser Institute）每年都將香港評為「全球最自由嘅經濟體系」，呢個評價亦與郭伯偉嘅政策息息相關。

郭伯偉爵士深受18世紀經濟學家亞當‧史密夫（Adam Smith）嘅自由貿易思想影響，佢任內推行嘅經濟方針亦對後來英美等國喺1980年代實施嘅新自由主義政策產生啟發作用，成為承先啟後嘅重要人物。