郭振江

郭振江，地盤工人，喺2020年1月，佢嘅屍體被發現倒臥喺油塘高翔苑，但有啲人未能信納警方對佢死亡原因嘅調查經過，甚至懷疑，佢喺香港反送中運動入面被香港警察殺死，然後當作自殺案處理嘅例子之一。

死亡事件

喺2020年1月13號早上，佢被發現倒臥喺高翔苑高康閣對開，救護人員到場嗰陣已經證實死亡。警方之後公佈喺現場搵到一個深色背囊、一張地盤工作證、工具同埋一副眼鏡，聲稱死因無可疑。

關於死因嘅疑點

當日網上同時流傳一段短片，懷疑係事主墮樓時嘅情況，只見當時事主頭下腳上，然後從大廈高層嘅狹窄氣窗「緩緩」跌出窗外，空翻落樓。網民質疑事件另有內情，提出不少疑點，甚至懷疑事主究竟係咪「被自殺」

• 墮樓氣窗狹窄兼位於高處，事主無理由捨易取難喺呢個位置跳樓。
• 跳樓姿勢頭下腳上非常古怪，令人關注係咪被「推落街」。
• 男事主墮樓猛撞向石屎物嘅時候毫無反應，似早已失去知覺。
• 男事主墮樓嘅時候身上無背囊，墮樓後身邊就有背囊。
• 男事主獨自乘升降機到大廈高層後10分鐘先墮樓，期間發生甚麼事情？
• 點解唔係住喺度嘅男事主，要特意去呢度自殺？

坊間質疑

• 張崑陽喺社交媒體以引號括住Jump一詞形容事件，又話似乎有對手推佢落樓。
• 《新聞拍案驚奇》主持人大宇指，自6月份反送中運動大規模爆發以來，出現咗好多「離奇自殺」案，好多人懷疑呢啲自殺者其實係被警察打死，或失去反抗能力後被棄置，實在係「被自殺」。縱然坊間有唔少推斷同爆料，但警方一直未有承認，也一直無直接嘅影像證據。但今次事件係第一次有影片拍到事發過程，而且墮樓嘅一刻，有唔少疑點。
• 作家兼時事評論員潘東凱質疑，點解男子墮落嘅時候佢好似成個「布公仔」咁，跌落嗰陣手腳都無郁，成個身體都無知覺。另外，佢又話警察嘅反應非常異常，除咗反應好大，亦比個位自己認。
• 公民黨主席梁家傑質疑，警方過於倉促對死因下結論，又無唔同質疑（例如點解高空掉下來都沒腦漿，又無乜血），做法操之過急。

警方回應

警方回應短片，讉責拍片喺宿舍「長期拍攝，懷疑偷窺」，又稱「警方作出調查，安排拘捕拍片者」。警方又話，郭振江身上並沒有發現任何可疑傷勢，而佢亦無喺任何反修例嘅活動入面被捕。

後續反應

事件就算去到2022年，都一直喺連登討論區被提及。

睇埋

• 香港反送中示威者被自殺或失蹤爭議
• 陳彥霖：另一名被部分人視為反送中運動期間被香港警察殺害嘅示威者