郭文貴

出自維基百科,自由嘅百科全書
Jump to navigation Jump to search

郭文貴1970年5月10號—,又叫郭浩雲,英文名:Miles Kwok),山東省莘縣古城鎮人,中國商人[1][2][3]

財新傳媒喺篇名為《權力獵手郭文貴》報道入面,宣稱揭開政泉老板郭文貴嘅政商關系,指控佢涉入2015年1月16號落馬嘅中國國安部副部長馬建同國安系統,被BBC認為係胡舒立團隊繼《誰的魯能》之後嘅重大調查報導。財新傳媒2015年公佈會去香港起訴郭文貴同採訪過郭文貴嘅《香港商報》同埋《蘋果日報》等媒體,宣稱郭文貴透過媒體傳播「虛構事實」,敗壞財新傳媒總編輯胡舒立嘅人格,令財新傳媒公信力受損[4]

2017年1月26號同3月8號,郭文貴先後兩次接受海外中文媒體明鏡集團嘅電視直播專訪,同時喺海外開始通過運用社交媒體TwitterFacebook,聲稱為咗「保命、保錢、報仇」,高度持續爆料多位中共權貴同相關知名媒體人嘅特殊身份背景同涉嫌貪腐醜聞,尺度頗大,甚至涉及中共政治局現任同前任常委級別高層領導人同家屬,又披露咗佢同北大方正集團前任總裁李友之間嘅商業利益爭執[5][6]。郭文貴喺爆料入面嘅多種講法,有部分目前未得到證實,但已經引起國際中文網絡轟動。

2017年4月19號,中國外交部證實,已要求國際刑警組織對近日來接連爆料中共高層同家族親屬涉嫌貪腐內幕嘅富商郭文貴向成員國發出「紅色通報」嘅消息[7] [8]

2017年4月19號,郭文貴接受《美國之音》直播採訪,繼續講中國國內高層內鬥,又聲稱為咗佢國內被捉嘅屋企人同公司員工恢復自由,佢曾接受中國公安部副部長傅政華嘅命令,去收集同調查海南航空嘅近年來資金進出情況[9]

郭文貴喺接受《美國之音》訪問入面,更加指控中紀委書記王岐山,指佢有屋企人係非上市公司海航集團嘅股東之一,而且王嘅屋企人喺美國加州一早擁有價值五百幾萬美元嘅豪宅;郭稱後者經多個華文媒體查證有其事。之後,郭又話中共總書記習近平已對王岐山立案調查,王至今無作出辯解。郭文貴喺陸陸續續嘅爆料多次提到佢嘅大後台老領導,美國之音報道話呢位老領導疑似係中共前總書記江澤民[10]

胡潤百富中國富豪榜入面,2013年郭文貴以個人資產58億元位列第323名,2014年以個人資產155億元升至第74位[1]

參考[編輯]

  1. 1.0 1.1 郭文貴圍獵高官記:從結盟到反目,財新網,2015-03-25
  2. 郭文貴與他的神秘“盤古會”,中國網,2015-03-25
  3. 起底富豪郭文貴:在北京號稱戰神 曾用美女色誘廳官,鳳凰網,2015-03-26
  4. [1]財新傳媒赴港狀告郭文貴與港媒
  5. [2]明鏡直播:郭文貴曝內幕,北京不安的是些什麼人(第一集).2017年1月26日
  6. [3]明鏡直播:明鏡電視專訪郭文貴(第二集).2017年3月8日
  7. "國際刑警組織就郭文貴被紅色通報回覆VOA". 美國之音. 2017-04-20. 
  8. "外交部:國際刑警組織已向郭文貴發出紅色通緝令". 新浪財經. 2017-04-19. 
  9. [4]美國之音:專訪新聞焦點人物郭文貴
  10. "潘石屹回應郭文貴 郭促潘向美法院提告". 美國之音. 2017-05-23.