郭美江
| 郭美江 | |
|---|---|
| 出世 | 1953年6月4號 |
| 死 | 2020年8月4號（67歲） 中華民國桃園市林口長庚醫院 |
| 國籍 | 中華民國 |
| 教育程度 | 美國洛杉磯中華歸主神學院道學碩士 |
| 組織 | 愛修園 |
| 機構 | 美國加州愛修園之禱告事工部主任、三藩市東灣愛修葡萄園教會主任牧師 |
| 出名原因 | 郭美江傳道爭議事件 |
| 知名作品 | 《恢復生命的色彩》、《重奏心靈的樂章》、《再唱生命的凱歌》、《彩虹之約醫治釋放課程》 |
| 宗教信仰 | 基督教（新教靈恩派） |
郭美江（1953年6月4號—2020年8月4號）係基督教靈恩派牧師，喺美國洛杉磯中華歸主神學院做過道學碩士[1]，佢擔任過美國加州愛修園嘅禱告事工部主任[2]。經常被邀至世界各地主領內喺醫治、釋放禱告嘅專題講座特會。[1]
郭美江於2013年12月喺台北純福音教會講道嘅傳道影片開始喺網路上傳布，其中主要包括於當年10月20號拍攝嘅一段同性戀影片之中，先問信眾有無接觸過東方閃電，現場無信眾舉手，佢隨即表示喺世界各地都有好多教會被擄去，接著開始要求信眾唔好去接觸同性戀嘅朋友，因為同性戀係一種「網羅」或「巫術嘅權勢」，屬於一種「撒旦嘅詭計」，會導致「靈魂嘅轉移」。其中並提到：有個國立大學自系主任以下都係同性戀，同學為咗成績，後嚟整個科系裏面都係同性戀，某位教友考上後，面臨要唔要跟著「陷入去」或離開該系嘅抉擇。另外佢提到有基督教長老個女，因為好友係同性戀而變得精神恍惚，「臉都變咗」，身邊充滿靈嘅「雲霧」，好彩長老有請佢協助破除、醫治。郭美江詢問台下聽眾有無人喺接觸同性戀朋友，表示教友必須同同性戀者保持距離，唔係就會被影響。隨後，郭美江喺台上話「囉聖靈寶劍斷開魂結，斷開鎖鏈，斷開一切嘅牽連」，並同時揮動手臂做出劈砍嘅動作；群眾應該同「阿門」，佢又講「耶穌基督嘅寶血塗抹潔淨，聖靈嘅活水沖洗乾淨」。最後，郭美江話「燒毀同性戀嘅網羅」，之後全場鼓掌[3][4][5]。
家庭
[編輯]郭美江嘅前夫係台灣嘅古箏演奏家同作曲家鄭德淵，佢做過華岡藝術學校校長、國立臺南藝術大學民族音樂學研究所所長等職位。郭美江死後三年（即係2023年），時值台灣捲起MeToo運動風暴，鄭德淵畀人爆佢至少廿幾年嚟都用權勢逼男學生輪流同佢上床，重要影低對方裸照留念，受害人甚至包括未成年嘅學生。喺呢個時候，網民先發現原來鄭德淵係出名反同嘅牧師郭美江前夫，反推返郭美江可能因為老公長期同男性出軌，導致佢生前極度反同。
參考
[編輯]- 1 2 〈桃園愛修園師資團隊〉。原著喺2014年2月9號歸檔。喺2020年8月7號搵到。
- ↑ 〈「電音牧師」爆紅 網友期待美江唱跨年〉。2013年12月23號。喺2020年8月7號搵到。
- ↑ Lii Wen (2014年10月6號). "Gay marriage advocates rally in Taipei". 《臺北時報》 (英文). 喺2020年8月7號搵到.
- ↑ "EDITORIAL: Avoid outrageous religious rhetoric". 《臺北時報》 (英文). 2014年2月25號. 喺2020年8月7號搵到.
- ↑ 郭美江講述同性戀 (備份) - YouTube
- ↑ 〈「信耶穌撿鑽石」牧師郭美江驚傳7:09病逝！教友哀悼：紀念神僕人一生忠心〉。ETtoday (繁體中文)。喺2020年8月7號搵到。