都市日報 (香港版)
香港版《都市日報》係全球首份中文版《都市日報》，亦係香港首份免費報紙，喺2002年4月15號發行，最初係喺星期一至星期六朝早喺地鐵網絡嘅觀塘綫、荃灣綫、港島綫、東涌綫、機場快綫、將軍澳綫（2002年8月19號起）同埋迪士尼綫嘅地下鐵站同埋商業區免費派發，至2003年改為喺星期一至星期五朝早派發。
兩鐵合併同埋將軍澳綫康城站啟用後，《都市日報》重由2009年3月23號開始喺原九廣鐵路網絡嘅東鐵（紅磡站、旺角東站、太和站、上水站除外）、馬鞍山鐵路（車公廟站、石門站、大水坑站、烏溪沙站除外）同埋喺7月27號開始喺康城站派發。
《都市日報》喺香港嘅成功，好快帶動起一股免費報紙嘅發行熱潮，促成2005年《頭條日報》、《Am730》同埋《快線周報》加入市場。
股權變動
[編輯]- 2019年10月，《都市日報》得到日本買方全面收購，由2號開始唔再喺港鐵站內派發報紙，會重新規劃派發點，網絡業務就會持續，並會加強發展成為網上新聞同埋消費資訊平台[3]，不過日本買家後來撻訂，12月18號《都市日報》印刷版停刊，2020年1月閂埋網站，同時《都市日報》開始成日傳出炒人、冇糧出嘅新聞。[4]
事幹
[編輯]攷
[編輯]- ↑ 〈《都市日報》4億賣盤予香港金融公司 黃浩：有點不捨得〉 (繁體中文)。香港01。2017-07-07。
- ↑ 〈去年4億元賣盤 商人黃浩擬作價5億元回購《都市新聞多媒體》〉 (繁體中文)。香港01。2018-02-02。
- ↑ 〈《都市日報》稱獲日資全面收購 明起暫停派報 料下月完成交易〉 (繁體中文)。香港01。2019-10-02。
- ↑ 〈《都市日報》拖Freelancer糧至少13萬 會計部主管稱唔知 | 獨媒報導〉。《香港獨立媒體網》。喺2020-04-16搵到。
- ↑ 〈【8.5罷工】受罷工影響 《都市日報》周二停刊：祝願香港加油〉 (繁體中文)。香港01。2019-08-05。
