鄧小樺

出自維基百科,自由嘅百科全書
Jump to navigation Jump to search

鄧小樺英文Tang Siu Wa),係香港作家、節目主持人。鄧喺伊利沙伯中學香港中文大學中國語言及文學系畢業,香港科技大學人文學部碩士,做過香港電台第2台《思潮作動》主持人[1],文學雜誌《字花》編輯,《中大四十年》編委[2],試過喺香港藝術中心同各間中學教授寫作。

鄧攞過中文文學獎散文組冠軍、新詩組亞軍、「大學文學獎」新詩組冠軍。佢寫咗詩集《不曾移動瓶子》、《眾音的反面》,散文集《斑駁日常》、《若無其事》,訪問集《問道於民》。近年佢喺各大報章同雜誌撰寫專欄、訪問及評論。

佢參與過保衛天星碼頭及皇后碼頭運動,係本土行動成員。

2009年鄧加入「香港文學倡議小組」,同作家董啟章馬家輝潘國靈等人一齊倡議建立香港文學館。後來「倡議小組」改組為香港文學館工作室,鄧做召集人。2010年組織「八十後文藝青年」,佢同蔡芷筠、葉浩麟連線,分別參選藝術發展局文學、藝術教育及視覺藝術委員會選舉。2011年加入香港數碼廣播有限公司,主持青年意見節目《八十後今晚打老虎》。2012年3月加入誠品書店做香港分店副店長,2013年3月離職[3]。2013年做西九「自由野」文字部分聯合策展人。2013年尾,香港文學館工作室改組為香港文學館有限公司,喺富德樓建立「香港文學生活館」,2014年3月入伙。鄧做文學館理事會召集人、香港文學館總策展人。2017年4月,佢做港台電視31五夜講場」系列之中,禮拜三晚「文學放得開」嘅主持,同廖偉棠查映嵐陸渺何建宗洪曉嫻一齊主持深夜文學清談節目。

作品[編輯]

參考[編輯]

  1. 思潮作動 - 文明單位 --- 流行文化與詩
  2. "《中大四十年》:目錄 CU40:contents". (原先內容喺2005年5月4號歸檔). 喺2018年4月11號搵到. 
  3. "鄧小樺辭誠品副店長﹕各有天職". (原先內容喺2013年3月16號歸檔). 喺2018年4月11號搵到. 

出面網頁[編輯]