舞獅係中國傳統表演，由幾個人扮成獅子跟音樂節拍而舞出唔同動作，通常喺節日、神誕或者其他喜事做表演。
舞獅主要分北獅、南獅兩大流派，北方人舞北獅；南方人舞南獅。南獅又叫醒獅。喺舞獅嘅過程之中，要做齊「見青」、「驚青」、「採青」、「碎青」、「吐青」同「醉青」先算係完成。而青又有分「菜青」同「旗青」，「菜青」就會綁住一棵生菜，「旗青」就係寫啲吉利語句。
