醫學史

十二世紀希臘文醫生誓詞手稿。

醫學史，歷史一門，研究人自古至今點醫治疾病。對象唔單止醫學，涉及唔同學科，探索人類社會實踐醫療，無論過去定現在。

呢門會研究同紀錄治療、實踐同知識，以及演變過程。會借助其他人文學科，例如經濟學、健康科學、社會學同政治學，深入瞭解醫學塑造機構、實踐、人物、專業同社會制度。研究早過書面記載，缺乏醫學文字，咁就由考古獲取。追蹤人類社會對健康、疾病同受傷處理，由史前到現代，探討影響事件，以及對人口影響。

早期醫學有巴比倫、中國、埃及同印度醫療文化。

中國淮南子脩務有講上古神農嘗百草，一日遇七十毒，講述古醫。山海經有講巫醫。而黃帝內經，成書戰國，統括早期醫學，由遠古巫蛻變成系統醫學。同其有其他醫書，但經已失傳。而黃帝內經成為後世中醫藥基礎，亦強調生活習慣去預防疾病。馬王堆漢墓，出土十五種醫書，由養生到治病，針灸用藥等都有系統表達。東漢長沙太守張仲景，西元二世紀末，編纂傷寒雜病論，有更具體說明同治療方法，尤其風寒對人體影響，藥方沿用至今。難經解答黃帝內經問題。大明時李時珍本草綱目訂正藥物性質。

西方十九世紀前，仍然流行體液學說，或者叫四體液論，用來解釋。文藝復興時期發明顯微鏡，導致日後發現細菌，得出細菌學說，解釋致病成因，有治療方法。軍醫處理創傷同外科手術面有進展。十九世紀，公共衞生措施好大發展，污水同食水分開，大大減少傳染病。城市迅速擴張，更有系統安排衞生。二十世紀初，有醫學研究中心，同大型醫院相連。中期，有新生物治療方法，好似抗生素。呢啲突破，加上化學、遺傳學同X光技術，推動現代醫學，變得更專門。女人亦重新加入醫療，好似十九世紀七十年代，女人做護士，而二十世紀七十年代打後，女人做醫生都好多。由於醫生無道德會害人無數，有啲地方訓練醫生，出來要讀醫生誓詞。

張仲景