量角器

出自維基百科,自由嘅百科全書
跳去: 定向搵嘢
半圓量角器
全圓量角器

量角器係用來量角度或者畫架生。量角器有兩種,一種係半圓形,喺圓周上面刻住0到180嘅度數,另一種係圓形,喺圓周上面刻住0到360嘅度數。

量角方法[編輯]

將量角器放喺角嘅上面,量角器嘅中心點疊住角嘅頂點,零刻度線同角嘅一條邊疊埋,角嘅另一條邊所對喺量角器上面嘅刻度,就係呢個角嘅度數。不過要注意嘅係,如果你將量角器右邊嘅零刻度線同角嘅一條邊疊住,睇角嘅另一條邊所對量角器刻度嘅時候,係睇內圈嘅刻度,如果你將量角器左邊嘅零刻度線同角嘅一條邊疊住,角嘅另一條邊所對量角器上面嘅刻度,要睇外圈嘅刻度。

畫角方法[編輯]

先畫一條射線,量角器中心點同射線嘅端點疊埋,零刻度線同射線疊住,你要畫幾多度嘅角,就喺量角器上面刻度嘅地方點一點,跟住喺畫嘅射線端點做起點,將你之前畫嘅點,再畫另一條射線。同樣要留意嘅係,喺點嗰點嘅時候,要睇清楚量角器右邊嘅零刻度線定係量角器左邊嘅零刻度線同射線疊住,以確定係睇量角器上面內圈定係外圈嘅刻度。