銅鑼灣刺警案

出自維基百科,自由嘅百科全書
跳去導覽 跳去搵嘢
銅鑼灣刺警案入面被刺傷嘅警員

銅鑼灣刺警案,又叫做梁健輝刺警案七一刺警案,係件用刀襲警再自殺嘅事件,喺2021年7月1號晚黑發生。梁健輝喺香港銅鑼灣邋刀deoi2落一個差佬背脊,跟住用刀自㨃心口。[1]梁送院搶救不治,差佬受傷住院。[2]

經過[編輯]

2021年7月1號晚黑約10點10分,一位著黑衫、揹住背囊嘅男人响銅鑼灣崇光百貨出邊突然邋刀捅一個差佬背脊左邊,跟住再捅咗自己心口靠左一嘢,傷及心臟。佢心口標晒血,俾幾個差佬㩒落地。救護車到場送佢去律敦治醫院搶救,但佢卒之响11點20分左右死咗。[2]現場地面留低大灘血跡。[3]

施襲者[編輯]

襲擊者叫梁健輝,五十歲,生前喺維他奶國際香港採購部做採購主任,寡佬一名,同屋企人住喺新蒲崗。佢隨身帶住USB記憶體,內有遺書交代施襲原因,內文有批評差人嘅字句,不滿皇氣包庇罪犯,並質疑國安法實施後影響香港市民嘅自由。

佢郁手前亦留低幾封遺書,話殺警後會自殺,並向年邁雙親交代後事。佢冇响社交媒體活躍,但相當留意過去幾年有關社會運動嘅消息。佢冇刑事紀錄。差人喺佢屋企檢獲一啲有關社運嘅文宣街招。[4][5][6]

受襲者[編輯]

官方公布中刀者係個廿八歲機動部隊男警員。[7]

紀念[編輯]

刺警案第日,銅鑼灣崇光百貨外有成村人獻花悼念死者。差佬跟手揼晒市民嘅鮮花落垃圾桶。到中午差佬仲開始搜查所有手揸鮮花及接近崇光百貨嘅市民。現場有一位男仔舉牌提供「Free Hug英文Free Hugs Campaign」,同人擁抱,希望能夠同市民互相鼓勵。佢亦畀皇氣截查。[8][9][10]

政府反應[編輯]

香港警察話呢單案係「孤狼式襲擊」[11]。政務司司長李家超話同案主搞悼念、獻花之類都可能觸犯國安法[12],警方國安處跟尾就宣佈接手調查[11]

維他奶公司爭論[編輯]

事件發生後,一則叫「有關一位同事於事件中身故」、署名「各員工」、頂部標有「維他奶國際集團有限公司」商標嘅繁體中文內部通告喺網上流傳。嗰則通告認為呢位同事「不幸逝世」,又重申「向健輝的家人致以最深切的慰問」,引發部份網民不滿,指集團涉嫌支持恐怖份子,並喺新浪微博等網站上呼籲抵制所有維他旗下產品。中國區維他檸檬茶代言人龔俊、維他奶代言人任嘉倫隨即宣佈終止同維他奶品牌嘅合作。龔俊更加透過公司發表聲明,認為「我司以及龔俊先生堅決抵制一切形式的暴力、恐怖等極端行為,堅決維護社會穩定和祖國利益。對任何暴力以及支持暴力的行為始終堅持零容忍態度」[13][14][15]李振寧亦喺新浪微博直播期間飲用咗維他奶嘅產品,畀網友評論提醒「不要喝」「維他奶港獨」,之後隨即將產品掟入垃圾桶

7月3號凌晨,維他奶喺官方微博刊出簡體中文聲明,表示「集團全力支持香港當局根據港區國安法對事件進行全面調查」[16]。7月3號中午,維他奶集團再喺微博發佈聲明,聲稱7月1號網上流傳有關襲警案疑兇梁健輝嘅內部文件「是由一位員工私下撰寫並內部轉發,未經授權,亦無遵從維他奶集團內部審批流程,措辭極為不當,涉事員工個人撰寫的內容本來不應該公開,更不應在公司內部發佈」[17][18]。受呢次事件影響,中國大陸部分超市將維他奶集團旗下產品下架處理[19]

到7月5號,網上流傳一份繁體中文同英文對照嘅維他奶內部通告,宣布維他奶國際集團香港區人力資源總監已經離職,香港區職責由首席人力資源總監兼任[20]。當日,維他奶股價喺香港股市低開10%,隨後跌幅擴大,一度跌15%,中午收報港幣26元,跌11.6%,成交額8.09億元。截至下晝2點,公司嘅股價報25.8蚊[21],市值蒸發36.8億元[22]。之後公司收到炸彈恐嚇,聲稱要喺屯門廠房引爆炸彈,案件列作「​刑事恐嚇」,暫時未有人被捕[23]

7月6號下晝,新浪微博流傳維他奶執行主席羅友禮向全體員工發嘅簡體中文內部信,指出「襲警事件是公然挑戰法律的嚴重違法暴力行為」,違背咗公司核心價值,又話已經辭退私自發內部通告嘅員工[24]

參考[編輯]

  1. "警員銅鑼灣崇光百貨外遇襲". 明報. 2021-07-01. 原先內容歸檔喺2021-12-29. 喺2021-07-01搵到.
  2. 2.0 2.1 "銅鑼灣警員遇襲案 涉案男子受傷送院搶救後不治". 香港電台. 原先內容歸檔喺2021-07-01. 喺2021-07-01搵到.
  3. "【7.1刺警案】警銅鑼灣崇光外中刀 懷疑施襲男再用刀自插心口送院亡". 立場新聞. 2021-07-02. 原先內容歸檔喺2021-07-08. 喺2021-07-02搵到.
  4. "獲授權分享,為梁健輝事件澄清若干事實". Facebook (英文). 原先內容歸檔喺2021-12-29. 喺2021-07-02搵到.
  5. "【7.1刺警案】死者梁健輝任職維他奶採購主任 公司: 向健輝的家人致以最深切的慰問 | 立場新聞". 立場新聞 Stand News. 原先內容歸檔喺2021-07-12. 喺2021-07-02搵到.
  6. "港刺警案行凶者留遗书 批评警方及国安法 | 早报". www.zaobao.com.sg (英文). 原先內容歸檔喺2021-07-09. 喺2021-07-02搵到.
  7. 凌逸德 (2021-07-02). "七一|刺警案死者無刑事紀錄 留多封遺書稱殺警後自殺". 香港01 (中文). 原先內容歸檔喺2021-07-17. 喺2021-07-05搵到.
  8. "組圖: 有市民自發到銅鑼灣獻花 悼念刺警事件死者". 大紀元時報 香港|獨立敢言的良心媒體 (中文). 原先內容歸檔喺2021-07-09. 喺2021-07-02搵到.
  9. "【7.1 刺警案】涉案男自刺身亡 有市民到場獻花 建制政黨譴責襲擊". 立場新聞. 2021-07-02. 原先內容歸檔喺2021-07-16. 喺2021-07-02搵到.
  10. "【刀插警員】市民到Sogo獻花 男子獻Free hug:香港人而家需要嘅可能係個擁抱". 獨立媒體. 2021-07-02. 原先內容歸檔喺2021-07-18. 喺2021-07-02搵到.
  11. 11.0 11.1 警務處國家安全處接手調查涉孤狼式恐怖襲擊案 互聯網檔案館歸檔,歸檔日期2021年7月9號,.,香港特區政府資訊網頁
  12. "香港政务司长:悼念献花杀警凶手恐触国安法". 自由亞洲電台. 2021-07-03. 原先內容歸檔喺2021-07-14. 喺2021-07-14搵到.
  13. "维他奶遭中国网呼抵制". RFI - 法国国际广播电台 (中文). 2021-07-02. 原先內容歸檔喺2021-07-02. 喺2021-07-02搵到.
  14. "維他奶內部通告被指悼念恐怖分子 中國區代言人龔俊宣布終止合作". hd.stheadline.com - 頭條日報 (中文). 2021-07-02. 原先內容歸檔喺2021-07-03. 喺2021-07-02搵到.
  15. 聯合新聞網,来源:中央社 (2021-07-02). "維他奶稱刺警員工不幸逝世 引發中國網友抵制". 聯合新聞網 (中文). 原先內容歸檔喺2021-07-02. 喺2021-07-03搵到.
  16. "維他奶再聲明支持按國安法調查". hd.stheadline.com - 頭條日報 (中文). 2021-07-03. 原先內容歸檔喺2021-07-03. 喺2021-07-03搵到.
  17. "維他奶最新聲明 稱昨內部文件極為不當". www.881903.com - 香港商業電台 (中文). 2021-07-03. 原先內容歸檔喺2021-07-09. 喺2021-07-03搵到.
  18. "維他奶最新聲明 稱昨內部文件極為不當". hd.stheadline.com - 頭條日報 (中文). 2021-07-03. 喺2021-07-03搵到.
  19. "维他奶集团再次致歉仍未平息风波,全国多地商户纷纷下架产品". 新浪新闻综合. 2021-07-04. 原先內容歸檔喺2021-07-04. 喺2021-07-05搵到.
  20. "維他奶香港區人力資源總監傳離職". 信報. 2021-07-05. 原先內容歸檔喺2021-07-09. 喺2021-07-05搵到.
  21. "因政治风波 维他奶集团今股价一度重挫15%". 联合早报. 2021-07-05. 原先內容歸檔喺2021-07-05. 喺2021-07-05搵到.
  22. "維他奶市值單日蒸發37億 專家拆解兩個因素 直言估值不吸引". 香港01 (中文). 2021-07-05. 原先內容歸檔喺2021-12-29. 喺2021-07-05搵到.
  23. "有人扬言在总部放炸弹 维他奶职员报警". 联合早报. 2021-07-06. 原先內容歸檔喺2021-07-06. 喺2021-07-06搵到.
  24. "【維他奶】網傳維他奶主席羅友禮發內部信 稱襲警事件為公然挑戰法律的嚴重暴力行為 正深刻反思". 香港經濟日報. 2021-07-06. 原先內容歸檔喺2021-07-06. 喺2021-07-06搵到.

睇埋[編輯]

出面網頁[編輯]