錛

錛

錛，利器一種，似斧，但刃邊同柄垂直。本身用來削平樹木。木工會用到，令木材平滑啲，或者用來雕木。而農耕、園藝就變鋤、鍬。柄有長有短，短柄用單手，長柄用雙手。長柄企喺度用，劈向高少少地。有種錛鋤兼備，前後兩刃，一刃平行，一刃垂直，叫鶴嘴鋤。

錛好古老，石器時代就有，世界各地都有。香港出土，石器時代、青銅時代、鐵器時代都有。至簡單用扁利石，綁喺條柄就成。

現代木工改用鋸同刨，都用機做，錛用處大減。物料改用木柄鋼頭，通常雕刻用。

• 
  漕錛
• 
  香港南丫島出土石錛
• 
  長柄錛削木

史

非洲

造船

古埃及藝術中，埃及古王國時期開始出現。[1最初用石整成，去到埃及史前王朝時期，銅製近乎取代晒燧石。石刀片通常用繩綁喺柄上，而早期青銅刀片，亦沿用結構。到青銅時代後期，柄先開始穿過刀片頂，用窿位固定。

古埃及文字，錛形有揀個意思。好似字句，某某法老，某神所揀。

有種禮器好似錛，用喺開口儀式，做來傳力量畀雕像、木乃伊，恢復感官能力。大概用隻鮮祭公牛前髀掂佢嗰口。

鐵器時代，古埃及人向南遷徙，技術就散佈非洲。技術之一有錛。到今日，鐵錛喺非洲農村，仍然有種種用途。挖屎坑、斬柴、耕田都有。種粟米、咖啡、茶、除蟲菊、荳、小米、薯，定其他現金作物、生計作物都用得到。

南太平洋

紐西蘭史前毛利人，經已用錛雕木。錛通用南島翠玉製成。毛利古代時期，北島錛用自莫圖塔普島雜砂岩，歌羅曼度奧必圖灣玄武岩，同其他太平洋島嶼製作相似。早期發現於北地凹痕橫斧，主要係用來自貓波喇同奶路臣地區硬頁岩。同時輕特臣島，東波利尼西亞細珊瑚島，除咗石灰岩，就冇其他，當地居民用巨蚌殼造錛。

美國西北部沿海

亞拉斯加土著造船，用錛，大約一九一〇年

美洲西北海岸土著，傳統用錛，實用有、藝術有。製碗造獨木舟，刻面具、圖騰都用得到。有兩種，直柄或圈柄。

直柄錛同歐洲相似，柄用天然曲枝製成，大約六成角。幼端揸手，粗端削平開槽，方便鐵刃綁上去。現代手柄用鋸好木料，彎位加木釘穩固。另一種圈柄，本質上用刃直駁手柄，無額外槓桿力。

錛會按尺寸、刃形、用途分類。正如歐洲一樣，刃形狀有直形、有槽形、有唇邊。大尺寸同歐洲款相若，較細通常輕巧得多，可以精細平滑、塑形、表面紋理處理，例如雕刻人物。最後用彎刀處理完成。

新畿內亞、美拉尼西亞

新畿內亞當代石錛

用錛

印尼西新畿內亞，巴布亞新畿內亞，美拉尼西亞、密克羅尼西亞一啲島仔，都有用磨石錛。 硬石用河邊石磨，借水磨到達到所需形狀。之後刃用樹脂、草木纖維，固定喺天然曲柄上。多種礦物用做材料。現時，即使新畿內亞最偏遠地方，都畀入口鋼斧、開山刀完全取代晒，經已幾十年嘅事。事實上，外國傳教士、殖民官員到達高地之前，當地居民經鄰國貿易，得到鋼鐵工具。石器會製成紀念品，賣畀遊客。

現代

現代由鋼製成，有木柄，用途有限。偶爾會喺半工業地區。鋸木廠同機動刨取代，至少工業係咁。會用來做啲專業手工藝品，例如銅匠。現時由藝術家有用，例如西北海岸美國同加拿大土著，佢哋雕刻圖騰柱、面具、碗。

腳錛

消防撬棍附錛鎬

去除木屑、平整、塑形、修剪木材表面同埋木板。會企喺木板、木材，將錛垂直落喺雙腳之間，將木屑削下，向後退，步步留低些少平滑表面。

造船木匠常用。現代，鋼錛刃平，做平滑工作，做到好圓，做雕空，碗、坑、獨木舟咁。錛肩錛邊可以彎，叫做唇錛，用嚟做凹口。離刃口一端叫做棍，形狀唔同，一般平有釘棍。

• 木匠錛，重身，有好陡曲，同埋一條好重鈍棍。重到唔啱過頭長時用。
  • 鐵路錛，變種，刃加長，減少刻枕木時手柄斷裂。
• 造船工錛，輕過木匠錛，用途更廣。過頭用得，腰前用得，胸前用得。
  • 唇形船工錛，變種。刃更闊，外邊急上彎。直接望落錛，由刃到到眼，刃就極闊，好平兜嘅形。塑造十字紋，用來接合木板。
• 另一組錛用柄分。有圈柄，用手揸實圈，靠近刃。
• 冰鎬頭通常有錛，冰上粗割成階。
• 消防撬棍，一端鈍錛。架生多用途，主要強行入屋宇同拆卸，一端有個叉形撬棍，另一端有錛同尖釘，呢端叫錛端。
• 拆卸錛刃鈍，拆屋宇，回收物料時分離用。

手錛

桶匠錛

短柄錛，桶匠、車匠、椅匠用，製碗製水槽用嘅。多數短柄，方便控制，個頭彎得幾勁，有助切割得短距離，大月更好操作空間。