錦泉眼鏡

錦泉眼鏡嘅舖頭門口附近

錦泉眼鏡（粵拼：gam2 cyun4 ngaan5 geng3*2）；之前嗌過聯合眼鏡水筆生產合作社（lyun4 hap6 ngaan5 geng3*2 seoi2 bat1 sang1 caan2 hap6 zok3 se5）；佢係中國廣東省廣州市嘅一間比較有老字號特色嘅眼鏡舖，喺1956年成立。佢係一間負責搞驗光同配鏡嘅零售企業。呢間眼鏡舖重係成個廣東省入面，唯一一間老字號嘅眼鏡舖。

史

喺1956年，嗰時有位嗌郭炳嘅師傅喺而家嘅小北路嗰邊搞咗間得3㎡到嘅眼鏡舖仔，由於嗰時度度都係國營嘅企業，佢都好驚俾人話係資本家，結果將間嘢整得好細，而且係一個人做，舖面又鬼咁簡陋，結果連個名都改成「聯合眼鏡水筆生產合作社」。後嚟直到1988年，由於佢嘅徒弟——何錦泉接咗呢間舖頭嘅經營權，間舖名先至改做而家嘅「錦泉眼鏡 」。後嚟呢間舖頭猛咁喺度搞改革同埋創新嘅同時重搞埋誠信經營，先至俾廣州市政府讚咗。而家呢間眼鏡舖有13間分店。

眼鏡博物館

由於呢間嘢嘅創始人——郭炳同佢嘅徒弟——何錦泉，都好鍾意收藏啲古董嘅舊眼鏡同埋眼鏡嘅設備，由於20世紀90年代尾，廣州市政府話要搞越秀區老字號一條街同發展廣州嘅老字號文化，何錦泉先生喺眼鏡舖入面開咗間博物館。而博物館主要搞咗從全球各地收集返嚟嘅比較名貴同少見嘅古董眼鏡、驗光工具、測量儀器同名孫真人手寫同眼科有關嘅書啲嘢。

攷

• 锦泉眼镜：畀街坊多一双慧眼 南都数字报 （2013-11-22）